Шпакоўшчынскі сельсавет

Шпако́ўшчынскі сельсавет — былая адміністрацыйна-тэрытарыяльная адзінка ў складзе Полацкага раёна Віцебскай вобласці Беларусі. Адміністрацыйны цэнтр — вёска Шпакоўшчына.

Шпакоўшчынскі сельсавет
Краіна	Беларусь
Уваходзіць у	Полацкі раён
Уключае	12 населеных пунктаў
Адміністрацыйны цэнтр	Шпакоўшчына
Дата ўтварэння	20 жніўня 1924
Дата скасавання	8 красавіка 2004
Насельніцтва	625 чал. (1999)
Код аўтам. нумароў	2

Гісторыя

Утвораны 20 жніўня 1924 года ў складзе Ветрынскага раёна Полацкай акругі БССР. Пасля скасавання акруговай сістэмы 26 ліпеня 1930 года ў Ветрынскім раёне БССР. З 8 ліпеня 1931 года ў складзе Полацкага раёна БССР, з 12 лютага 1935 года — у складзе адноўленага Ветрынскага раёна БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. З 20 студзеня 1960 года сельсавет у складзе Полацкага раёна. На 1 студзеня 1974 года ў складзе Шпакоўшчынскага сельсавета 15 населеных пунктаў^[1]. 8 красавіка 2004 года скасаваны, тэрыторыя далучана да Астроўшчынскага сельсавета^[2].

На момант скасавання ў склад сельсавета ўваходзілі 12 населеных пунктаў: вёскі Верхнія Марозы, Гамоўшчына, Карсюкі, Касарэва, Лужайкі, Нача-Шпакоўшчына, Ніжнія Марозы, Радкоўшчына, Сарокі, Сіпоўшчына, Чарнаручча і Шпакоўшчына.