Эдуард Аляксеевіч Белагураў

Эдуард Аляксеевіч Белагураў (27 лістапада 1947, г. Бабруйск — 17 мая 1998) — беларускі мастак.

Эдуард Аляксеевіч Белагураў
Дата нараджэння	27 лістапада 1947(1947-11-27)
Месца нараджэння	Бабруйск, Бабруйская вобласць, Беларуская ССР, СССР
Дата смерці	17 мая 1998(1998-05-17) (50 гадоў)
Грамадзянства	Беларусь
Род дзейнасці	мастак
Жанр	станковы жывапіс і партрэт
Вучоба	Беларуская дзяржаўная акадэмія мастацтваў
Уплыў	Гаўрыла Харытонавіч Вашчанка
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Белагураў.

Біяграфія

Нарадзіўся ў 27 лістапада 1947 года ў Бабруйску. Скончыў Беларускі тэатральна-мастацкі інстытут у 1974 годзе. Вучыўся ў Гаўрылы Вашчанкі. Удзельнік мастацкіх выставак з 1975 года^[1].

Член Беларускага саюза мастакоў з 1977 года^[1].

Памёр 17 мая 1998 года^[1].

Творчасць

Працаваў у галіне станковага жывапісу ў жанрах фігуратыўнай карціны і партрэта^[1].

Асноўныя творы: «Дзеці вайны», «Дыялог», «Партрэт бацькоў», «Сямейны партрэт», «Каменьчыкі з Планерскага», «Ілюзіяніст», «Мелодыя адыходзячай ночы», «Вяртанне», «Час цішыні», «Хірургі. Аперацыя», «Залаты яблык», «Більярдны шар слановай косці», «Eccetera… Eccetera…»^[1].

«Равеснікі», Э. Белагураў.

Аўтар партрэтаў: «Вечар на Сеняжы» — групавы партрэт мастакоў Мікалая Ісаёнка, Уладзіміра Тоўсціка, Кацярыны Паплаўскай і самога аўтара, «Партрэт бацькоў», «Будаўніца Марыя Русак»; аўтапартрэтаў: ад кубічных да рэалістычных, глыбока псіхалагічных работ; нацюрмортаў: «Майстэрня мастака» — змяшэнне сюжэтаў высокага неба, нацюрморту і майстэрні мастака, «Палявыя кветкі» і інш.; пейзажаў: «Снежная зіма» і інш.; сюжэтных карцін: напр. «Шаткоўка капусты» — паўстаюць тры пакаленні жанчын: бабуля, маці і дачка.

Стварыў шэраг манументальных роспісаў, у тым ліку будынка сярэдняй школы № 1 Бабруйска, памяшканняў вучылішчаў № 226, медыцынскага, актавай зале механіка-техналагічнага тэхнікума ў Бабруйску, роспісы ў Рагачове^[2].

Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, фондах Беларускага саюза мастакоў і Міністэрства культуры Расіі^[1].

Узнагароды

У 1980 годзе ўзнагароджаны дыпломам Акадэміі мастацтваў СССР^[1].