Эдуард Антонавіч Вайцяховіч

У Вікіпедыі ёсць артыкулы пра іншых людзей з прозвішчам Вайцяховіч.

Эдуард Антонавіч Вайцяховіч (3 красавіка 1960, в. Камарова, Мядзельскі раён, Мінская вобласць — 12 студзеня 2022, Камарова) — беларускі палітык і бізнесмен, дэпутат Вярхоўнага Савета Рэспублікі Беларусь 13 склікання.

Эдуард Антонавіч Вайцяховіч
Дата нараджэння	3 красавіка 1960(1960-04-03)
Месца нараджэння	Камарова, Мядзельскі раён, Мінская вобласць, Беларуская ССР, СССР
Дата смерці	12 студзеня 2022(2022-01-12)[1] (61 год)
Месца смерці	Камарова, Мядзельскі раён, Мінская вобласць, Беларусь
Адукацыя	БДАТУ (1983)
Партыя	Аб’яднаная грамадзянская партыя
Род дзейнасці	палітык, бізнесмен

Біяграфія

Нарадзіўся 3 красавіка 1960 года ў в. Камарова Мядзельскага раёна Мінскай вобласці (паводле іншых звестак — у гарадскім пасёлку Свір).

Вучыўся ў Камароўскім сельскагаспадарчім вучылішчы па спецыяльнасці «Трактарыст-машыніст». Скончыў з адзнакай Беларускі інстытут механізацыі сельскай гаспадаркі (1983), тры гады працаваў у прафесійна-тэхнічным вучылішчы № 197 у Іўі^[2].

У 1986 годзе стаў дырэктарам Свірскага прафесійна-тэхнічнага вучылішча № 207, самым маладым у яго гісторыі.

У 1995 годзе быў абраны дэпутатам Вярхоўнага Савета Рэспублікі Беларусь 13 склікання. Быў сярод тых дэпутатаў, хто падпісаў у 1996 годзе імпічмент прэзідэнту^[3].

Памёр 12 студзеня 2022 года^[3].

Зноскі

1. https://www.belarus.kp.ru/online/news/4586986/ Праверана 15 студзеня 2022.
2. «Меня все начальники проклинают!»: экс-депутат Верховного Совета помогает сельским бизнесменам найти деньги и возрождает четыре деревни
3. Умер экс-депутат Верховного совета Беларуси, который на свои деньги возродил четыре деревни