Эдуард Тубін
From Wikipedia, the free encyclopedia
Remove ads
Эдуард Тубін (англ.: Eduard Tubin; 18 чэрвеня 1905, Тарыла, Эстонія — 17 лістапада 1982, Стакгольм, Швецыя) — эстонскі і шведскі кампазітар. Стваральнік першага эстонскага нацыянальнага балета «Дамавік».
Remove ads
Біяграфія
Нарадзіўся ў Тарыла, Эстонія. Абодва яго бацькі былі аматарамі музыкі. Яго бацька граў на трубе і трамбоне. Упершыню талент Эдуарда Тубіна выявіўся ў дзяцінстве, калі хлопчык навучыўся граць на флейце і балалайцы. Пазней яго бацька абмяняў карову на фартэпіяна, каб хлопчык мог больш вучыцца музыцы, і Эдуард набыў дзякуючы свайму таленту папулярнасць у вёсцы. Тубін таксама добра граў на скрыпцы, напісаў некалькі канцэртаў для гэтага інструмента.
Вучыўся ў Хейна Элера ў Вышэйшай музычнай школе Тарту. Жыў і працаваў у Ныа, Тартускі павет, дзе даваў урокі ў мясцовай школе. Працаваў у горадзе Тарту дырэктарам тэатра «Ванемуйнэ». 20 верасня 1944 года, за два дні да ўступлення савецкіх войскаў у Талін, пераехаў разам з сям’ёй на ветразным судне «Трыіна» ў Швецыю, дзе жыў і тварыў да канца жыцця. Восем разоў наведваў Эстонію.
У 1982 годзе быў абраны ў Шведскую каралеўскую музычную акадэмію.
Жонка — балерына Эльфрыдэ Тубін (пры нараджэнні — Саарык). Сын — Эйна Тубін, работнік міністэрства абароны Швецыі і свабодны журналіст.
Сярод работ: 11 сімфоній (апошняя не скончана), 5 канцэртаў, 2 оперы, 2 балета. Шэраг камерных і харавых твораў.
Remove ads
Зноскі
- Tubin, Eduard // Sveriges dödbok 1860–2017 — 7 — Sveriges Släktforskarförbund, 2018. Праверана 8 кастрычніка 2021.
Wikiwand - on
Seamless Wikipedia browsing. On steroids.
Remove ads