Эльвіра Ціханаўна Круцько

У Вікіпедыі ёсць артыкулы пра іншых людзей з прозвішчам Круцько.

Эльвіра Ціханаўна Круцько (нар. 19 студзеня 1949, г. п. Бешанковічы, Віцебская вобласць) — беларуская спецыялістка ў галіне хіміі і тэхналогіі палімераў. Доктар тэхнічных навук (2003), кандыдат хімічных навук (1978), прафесар (2004).

Эльвіра Ціханаўна Круцько
Дата нараджэння	19 студзеня 1949(1949-01-19) (76 гадоў)
Месца нараджэння	Бешанковічы, Бешанковіцкі раён, Віцебская вобласць, Беларуская ССР, СССР
Месца працы	Інстытут фізіка-арганічнай хіміі НАН Беларусі Беларускі рэспубліканскі фонд фундаментальных даследаванняў Беларускі дзяржаўны тэхналагічны ўніверсітэт
Навуковая ступень	кандыдат хімічных навук (1978) і доктар тэхнічных навук (2003)
Навуковае званне	прафесар[d] (2004)
Альма-матар	Беларускі тэхналагічны інстытут імя С. М. Кірава (1971)
Узнагароды

Біяграфія

Скончыла Беларускі тэхналагічны інстытут імя С. М. Кірава (спецыяльнасць «Хімічная тэхналогія перапрацоўкі нафты і газу», 1971).

Працавала ў Інстытуце фізіка-арганічнай хіміі АН БССР (з 1971), Беларускім рэспубліканскім фондзе фундаментальных даследаванняў (з 1992), БДТУ (з 1996, кафедра палімерных кампазіцыйных матэрыялаў, прафесар).

Навуковыя інтарэсы: хімія і тэхналогія алігамераў і высокамалекулярных злучэнняў; сінтэз арганічных рэчываў; хімічная кінетыка; хімічная мадыфікацыя палімераў і кампазітаў; перапрацоўка палімераў і алігамераў; сінтэз манамераў, алігамераў, палімераў; лакафарбавыя матэрыялы; плёнкаўтваральныя рэчывы; палімерныя кампазіцыйныя матэрыялы, плёнкі, валокны, пакрыцці; полііміды; палімерныя матэрыялы ў тэхналогіі мікраэлектронікі.

Узнагароды

Нагрудны знак «Выдатнік адукацыі» (2006), медаль «За працоўныя заслугі» (2015) і інш.

Бібліяграфія

• Технологические и физико-химические принципы создания пленкообразующих полиимидных материалов с заданными эксплуатационными свойствами : диссертация … доктора технических наук : 05.17.06 : защищена 11.10.2002 : утверждена 04.06.2003 / Крутько Эльвира Тихоновна. ― Минск, 2002.

Зноскі