Інстытут фізіка-арганічнай хіміі НАН Беларусі

Інстытут фізіка-арганічнай хіміі Нацыянальнай акадэміі навук Беларусі быў утвораны ў 1929 годзе. Знаходзіцца на вуліцы Сурганава, 13. Інстытут займае лідзіруючыя пазіцыі ў свеце ў сферы распрацоўкі, вырабу і выкарыстання іонаабменных кудзелістых матэрыялаў. Шырока вядомыя паспяховыя працы Інстытута ў галіне стварэння палімерных мембран і мембранных тэхналогій, штучных субстратаў для вырошчвання раслін, тонкага арганічнага сінтэзу, распрацоўкі новых біялагічна актыўных кампазіцый, субстанцый лекавых прэпаратаў.

Інстытут фізіка-арганічнай хіміі НАН Беларусі
Заснаваны	1929
Сайт	ifoch.bas-net.by/en

Гісторыя інстытута

Інстытут з’яўляецца правапераемнікам Інстытута хіміі Беларускай акадэміі навук, які быў створаны 18 снежня 1929 года. Пад сучаснай назвай працуе з 1 студзеня 1959 года.

Структура інстытута

• Лабараторыя мембранных працэсаў
• Лабараторыя іоннага абмену і сорбцыі
• Лабараторыя сінтэзу і даследаванні ўласцівасцей іонаабменных валокнаў
• Лабараторыя хіміі гетэрацыклічных злучэнняў
• Лабараторыя хіміі біякан’югатаў
• Лабараторыя фізіка-хімічных метадаў даследаванняў
• Аддзел лекавых рэчываў:
  • Лабараторыя сінтэзу і даследавання ўласцівасцей біялагічна актыўных рэчываў
  • Тэматычная група тэхналогіі біялагічна актыўных рэчываў
  • Тэматычная група аналітычнага кантролю лекавых сродкаў

Дырэктары інстытута ў розныя гады

• Уладзімір Віктаравіч Шкатэлаў (1929—1933)
• Мікалай Сямёнавіч Казлоў (1933—1938)
• Барыс Васілевіч Ерафееў (1939—1941, 1944—1948, 1953—1965)
• Канстанцін Мікалаевіч Караткоў (1949—1952)
• Мікалай Сямёнавіч Казлоў (1967—1972)
• Уладзімір Сяргеевіч Салдатаў (1981—2004)
• Аляксандр Віктаравіч Більдзюкевіч (з 2004 года)

Зноскі