Эміграцыя з Беларусі пасля прэзідэнцкіх выбараў 2020 года

Эміграцыя з Беларусі пасля прэзідэнцкіх выбараў 2020 года — працэс адцёку насельніцтва з Беларусі, які ўзмацніўся пасля пачатку масавых акцыяў пратэсту супраць чаговага перавыбрання прэзідэнтам Аляксандра Лукашэнкі.^[1] Асноўнымі напрамкамі іміграцыі з'яўляюцца Польшча, Украіна, Літва і Латвія.

Дынаміка выдачы грамадзянам Беларусі відаў на жыхарства ў Польшчы

Маштабы эміграцыі

Паводле звестак Міністэрства ўнутраных спраў Рэспублікі Беларусь, у 2021—2022 гадах больш за 200 тысяч грамадзян пакінулі Беларусь^[2].

Па дадзеных Міністэрства замежных спраў Польшчы за перыяд з чэрвеня 2020 года па ліпень 2021 года беларусам было выдадзена больш за 178 тысяч віз, 12 тысяч з якіх з'яўляюцца гуманітарнымі. У якасці параўнання, за ўвесь 2019, да пачатку пратэстаў Польшча выдала грамадзянам Беларусі 7 гуманітарных віз.^[3][4]

Літва за 9 месяцаў 2021 года выдала беларусам больш за 4 тысячы гуманітарных віз. Акрамя гэтага з верасня 2020 года па жнівень 2021 года грамадзянам Беларусі было выдадзена 20 тысяч нацыянальных літоўскіх віз. 206 чалавек накіравалі запыт на атрыманне прытулку ў Літве.^[4] Інтэрнэт-выданне dev.by, якое спецыялізуюцца на IT-сектары Беларусі, ацаніла колькасць пакінуўшых краіну IT-спецыялістаў у 16-23 тысячы чалавек^[5].

Грамадская рэакцыя

20 жніўня 2020 года, праз 2 тыдні пасля пачатку масавых пратэстаў, больш за 150 эканамістаў з 25 краін свету звярнуліся з адкрытым лістом^[6] да беларускага ўраду. Яно змяшчала папярэджанне аб згубных наступствах для эканомікі ў выпадку далейшага парушэння правоў чалавека і эканамічных правоў грамадзян^[7]. МУС Беларусі у сваю чаргу ініцыявала змены ў закон «Аб грамадзянстве», якія дазваляюць пазбаўляць грамадзянства пакінуўшых краіну беларусаў у выпадках, калі яно атрымана шляхам натуралізацыі.^[8][9] Урадамі Польшчы і Украіны былі прынятыя дакументы, якія палягчаюць эміграцыю і знаходжанне на тэрыторыі гэтых краін.^[10]

Гл. таксама

• Пратэсты ў Беларусі (2020—2021)

Зноскі

1. Не надо никого держать: как Лукашенко борется с "утечкой мозгов" из Беларуси (нявызн.). Deutsche Welle.
2. В министерстве заявили, что республика всегда открыта для возвращения уехавших граждан (руск.)
3. Сёлета Польшча выдала грамадзянам Беларусі больш за 90 тысяч віз  (бел.). polskieradio.pl.
4. Сколько белорусов уехало из страны за последние 15 месяцев? Разбираемся (нявызн.). Белсат.
5. Сколько айтишников уехало из Беларуси за два года? (нявызн.)(недаступная спасылка). thinktanks.by. Архівавана з першакрыніцы 2 студзеня 2023. Праверана 2 студзеня 2023.
6. Economists from around the World Appeal to Belarusian Authorities (нявызн.). voiceforbelarus.com. Архівавана з першакрыніцы 23 снежня 2020. Праверана 2 студзеня 2023.
7. Немецкий экономист: Беларуси грозит потеря интеллектуальной элиты (нявызн.). Deutsche Welle.
8. Лишение гражданства Беларуси: еще одна форма "борьбы с оппонентами" (нявызн.). Deutsche Welle.
9. В МВД Белоруссии предложили лишать гражданства уехавших за рубеж белорусов (нявызн.). Interfax.
10. Противники Лукашенко начинают уезжать за границу (нявызн.). ng.ru.