Жнівень

У паняцця ёсць і іншыя значэнні, гл. Жнівень (значэнні).

Жнівень — восьмы месяц года ў юліянскім і грыгарыянскім календарах, шосты месяц старарымскага года, які пачынаўся да рэформы Юлія Цэзара з сакавіка. Адзін з сямі месяцаў даўжынёй у 31 дзень. У Паўночным паўшар’і Зямлі з’яўляецца апошнім, трэцім месяцам лета, у Паўднёвым — апошнім, трэцім месяцам зімы. У сучасную эпоху да 10 жніўня па грыгарыянскім календары Сонца знаходзіцца ў сузор’і Рака, з 10 жніўня — у сузор’і Льва^[1] (па іншых даных — 11 жніўня^[2]).

← жнівень →
п	а	с	ч	п	с	н
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2025

Назва

Жнівень. Ілюстрацыя Аляксандра Тарасевіча з кнігі «Rosarium et Officium B. Mariae Virginis…»

У выданнях Ф. Скарыны даецца народная назва жніўня — серпень^[3], таксама яна згадваецца ў «Храналогіі» А. Рымшы (1581)^[4]. Назва, ужываная ў сучаснай беларускай літаратурнай мове, узнікла ў асяроддзі газеты «Наша ніва» і набыла больш-менш канечную форму ў 1912 годзе, калі ў календары «Нашай нівы» былі дадзены прапанаваныя назвы месяцаў з тлумачэннямі. Паслядоўна ў «Нашай ніве» ўжываліся варыянты назвы: серпень, аўгуст, серпень (аўгуст), і канечна — жнівень («усюды жніва»).^[5]

Зноскі

1. За год Солнце проходит не через 12, а через 13 созвездий. Новый знак зодиака — «Змееносец» (нявызн.). Архівавана з першакрыніцы 20 верасня 2011. Праверана 30 кастрычніка 2011.
2. Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
3. Скарына Ф. Творы:…
4. Андрей Рымша. [Хронология]…
5. Гісторыя беларускай літаратурнай мовы, Т.2.