Эмілія Фокс

У Вікіпедыі ёсць артыкулы пра іншых людзей з прозвішчам Фокс.

Эмілія Роўз Элізабет Фокс (англ.: Emilia Rose Elizabeth Fox; нар. 31 ліпеня 1974) — брытанская актрыса.

Эмілія Фокс
англ.: Emilia Fox
Дата нараджэння	31 ліпеня 1974(1974-07-31)[1][2] (51 год)
Месца нараджэння	Хамерсміт[d], Хамерсміт і Фулем[d], графства Вялікі Лондан, Вялікі Лондан[d], Англія, Вялікабрытанія
Грамадзянства	Вялікабрытанія
Бацька	Эдвард Фокс[3][4]
Маці	Джаана Дэвід[d][3][4]
Муж	Джарэд Харыс[d][4][5]
Дзеці	Rose Gilley[d]
Адукацыя	Каледж Святой Кацярыны[d] Bryanston School[d] Школа Фрэнсіса Холанда[d]
Прафесія	актрыса, тэлеактрыса, кінаактрыса, тэатральная актрыса
IMDb	ID 0288976
Медыяфайлы на Вікісховішчы

Біяграфія

Нарадзілася ў Лондане, у сям’і акцёраў Джааны Дэвід і Эдварда Фокса. Дзяцінства правяла за кулісамі. Вучылася ў Брайнстанскай школе, а затым у Оксфардскім універсітэце, дзе яна пасябравала з іншай будучай актрысай Арланда Уэлс. Ёсць родныя брат Фрэдзі і сястра Люсі Арабэла, а таксама стрыечны брат Лоўрэнс Фокс.

Кар’ера Эмілі на тэлебачанні пачалася з невялікай ролі ў серыяле «Пыха і перадузятасць», дзе яна сыграла Джарджыяну Дарсі. Затым яна грала ў фільме «Рэбека». Яе маці іграла ў версіі 1979 года гэтага фільма. Паралельна яна працягвае працаваць у тэатры, у 1998 годзе ўдзельнічала ў Чычэстарскім тэатральным фестывалі.

У 2000 годзе яе запрасілі ў серыял «Рэндал & Хопкірк (памерлі)», дзе яна знялася ў 11 эпізодах. У 2003 годзе яна здымаецца ў фільме «Краіна кахання», прычым роля бацькі дастаецца яе рэальнаму бацьку Эдварду Фоксу. Затым ішлі ролі ў міні-серыялах: Джэйн Сеймур у «Генрыху VIII» і лэдзі Маргарэт у «Змове супраць кароны».

У 2004 годзе яна была запрошана на ролю Лін Фрэдэрык у серыяле «Жыццё і смерць Пітэра Селерса», дзе галоўную ролю гуляў Джэфры Раш. Быў зняты шэраг серый, дзе засяроджваліся адносіны Фрэдэрык і Селерса, але ў канчатковым выніку гэтыя серыі не былі паказаны, а ўсе яе сцэны выдалены. Гэтыя серыі і выразаныя сцэны можна ўбачыць на DVD-выпуску тэлесерыяла. У гэты ж час яна ўдзельнічала ў здымках серыяла «Нямы сведка», дзе сыграла ў 96 эпізодах у ролі Нікі Аляксандэр.