Эрых Хонекер

Эрых Хонекер (ням.: Erich Honecker, 25 жніўня 1912, Нойнкірхен — 29 мая 1994, Сант’яга-дэ-Чылі) — нямецкі палітычны дзеяч, шматгадовы кіраўнік Германскай Дэмакратычнай Рэспублікі (1971—1989 гг.), Генеральны сакратар САПГ і Дзяржсавета ГДР, Герой ГДР (1987), Герой Савецкага Саюза (1982).

Эрых Хонекер
Erich Honecker
2-і Першы (з 1976 Генеральны) сакратар САПГ 3 мая 1971 — 18 кастрычніка 1989
Папярэднік	Вальтэр Ульбрыхт
Пераемнік	Эган Крэнц
3-і старшыня Дзяржаўнага савета ГДР 29 кастрычніка 1976 — 18 кастрычніка 1989
Папярэднік	Вілі Штоф
Пераемнік	Эган Крэнц
Нараджэнне	25 жніўня 1912(1912-08-25) Нойнкірхен, Рэйнская правінцыя, Германская імперыя
Смерць	29 мая 1994(1994-05-29) (81 год) Сант’яга, Чылі
Месца пахавання	Агульныя могілкі Сант'яга[d] Сант’яга
Імя пры нараджэнні	ням.: Erich Ernst Paul Honecker
Бацька	Вільгельм Хонекер
Жонка	1) Эдзіт Баўман 2) Маргат Файст
Дзеці	дочкі: Эрыка (ад 1-га шлюбу) Соня (ад 2-га шлюбу)
Веравызнанне	атэізм
Партыя	1) КПГ (1930—1946) 2) САПГ (з 1946)
Член у	Цэнтральны камітэт САПГ[d] Q113369294? (1926)[1]
Адукацыя	Міжнародная ленінская школа
Аўтограф
Узнагароды	ГДР: Герой ГДР СССР:
Медыяфайлы на Вікісховішчы

Біяграфія

Хонекер нарадзіўся 25 жніўня 1912 года ў горадзе Нойнкірхен (вобласць Саар), у сям’і гарняка.

У 1926 годзе ўступіў у Камуністычны саюз моладзі Германіі. У 1930—1931 гадах вучыўся ў Маскоўскай міжнароднай ленінскай школе. Прымаў удзел у будаўніцтве Магнітагорскага металургічнага камбіната ў складзе інтэрнацыянальных працоўных брыгад.

Пасля вяртання ў Германію працаваў сакратаром па палітычных пытаннях Саарскага акруговага камітэта КСМГ, быў членам сакратарыята Саарскага акруговага камітэта Камуністычнай партыі Германіі (КПГ). У 1934 годзе абраны членам ЦК КСМГ.

У гады фашысцкага рэжыму Хонэкер вёў у нелегальных умовах арганізацыйна-палітычную працу сярод моладзі ў Рурскай вобласці, у Бадэне, Гесэне, Вюртэмбергу, Пфальцы, кіраваў арганізацыяй КСМГ у Берлінскай акрузе.

За камуністычную дзейнасць быў арыштаваны нацыстамі ў 1935 годзе і прысуджаны да 10 гадоў зняволення. У красавіку 1945 года вызвалены з турмы Брандэнбург-Гёрдэн Савецкай Арміяй.

Пасля аб’яднання ў 1946 годзе КПГ і сацыял-дэмакратаў у савецкай зоне акупацыі і стварэння Сацыялістычнай адзінай партыі Германіі (САПГ) быў абраны ў цэнтральны камітэт новай партыі.

З 1949 года Эрых Хонэкер — дэпутат Народнай палаты Германскай Дэмакратычнай Рэспублікі (ГДР).

У 1949 годзе стаў сакратаром па справах моладзі ў ЦК САПГ.

У 1950—1958 гадах — кандыдат у члены, з 1958 года — член Палітбюро ЦК САПГ.

У 1955—1956 гадах Хонэкер знаходзіўся на вучобе ў Маскве ў Вышэйшай партыйнай школе (ВПШ) пры ЦК КПСС.

З 1971 года — старшыня Нацыянальнага савета абароны.

У маі 1971 года Эрых Хонекер змяніў Вальтэра Ульбрыхта на пасадзе першага сакратара САПГ. У кастрычніку 1976 года ён стаў старшынёй Дзяржаўнага савета, кіраўніком ГДР.

У кастрычніку 1989 года сышоў у адстаўку^[2].