Этналагічны музей (Вена)

Этналагічны музей (ням.: Museum für Völkerkunde) — найбуйнейшы антрапалагічны і этнаграфічны музей Аўстрыі. Заснаваны ў 1876 годзе. У наш час займае частку былога імператарскага палаца Гофбург. Змяшчае каля 250 тыс. экспанатаў з Азіі, Афрыкі, Акіяніі і Амерыкі. Сярод важных калекцый увагі заслугоўваюць мексіканскія артэфакты, у тым ліку ўнікальныя ацтэкскія вырабы з пер'я (напрыклад, галаўны ўбор Мантэсумы); частка калекцыі Джэймса Кука (набыта ў 1806 годзе); шматлікія бронзавыя вырабы з Беніна; калекцыя К. фон Хюгеля, сабраная ў вандраваннях па Індыі, Паўднёва-Усходняй Азіі і Кітаю, і іншае.

Славутасць
Этналагічны музей
48°12′18″ пн. ш. 16°21′47″ у. д.HGЯO
Краіна	Аўстрыя[1]
Месцазнаходжанне	Вена
Дата заснавання	1876
Сайт	weltmuseumwien.at (ням.)
Медыяфайлы на Вікісховішчы

Мае выдатную калекцыю еўрапейскай зброі, у тым ліку належалай рыцарству з Рэчы Паспалітай (даспехі Радзівіла Сіроткі, Стэфана Баторыя і іншых).

Музей не варта блытаць з Аўстрыйскім музеем фальклору^[de] (Österreichisches Museum für Volkskunde), назва якога гучыць вельмі падобна па-нямецку, які, аднак, змяшчае галоўным чынам матэрыялы па культурах Еўропы.

Зноскі

1. Wiki Loves Monuments monuments database — 2017.

   <a href='https://wikidata.org/wiki/Track:Q28563569'></a><a href='https://wikidata.org/wiki/Track:Q4580425'></a>