Эцьен Дзюмусцье

Эцьен Дзюмусцье (фр. Étienne II Dumonstier, 1520 ці 1540 — 23 кастрычніка 1603, Парыж, Францыя) — французскі прыдворны мастак каралёў з дынастыі Валуа і Генрыха IV Бурбона, прадстаўнік дынастыі мастакоў Дзюмусцье.

Эцьен Дзюмусцье
Дата нараджэння	каля 1540[1][2][…]
Месца нараджэння	Парыж, Каралеўства Францыя[3]
Дата смерці	23 кастрычніка 1603(1603-10-23)[4]
Месца смерці	Парыж, Каралеўства Францыя[5]
Грамадзянства	Францыя[6]
Бацька	Geoffroy Dumonstier[d]
Дзеці	Pierre Dumonstier II[d]
Род дзейнасці	мастак
Жанр	партрэт
Медыяфайлы на Вікісховішчы

Біяграфія

Нарадзіўся ў 1520 ці 1540 гадах. Старэйшы сын мастака Жафруа Дзюмусцье, брат мастакоў П’ера і Косма II Дзюмусцье. Верагодна, вучыўся жывапісу ў свайго бацькі і Франсуа Клуэ. Яго імя з’яўляецца ўпершыню ў дакументах на выплату заробку каралём у 1568 годзе. Сума заробку 400 ліўраў — амаль у два разы большая, чым у Франсуа Клуэ, нягледзячы на маладосць мастака. Захаваліся і іншыя дакументы на выплаты Эцьену Дзюмусцье каралеўскага заробку.

У 1569—1570 годзе Эцьен разам з братам П’ерам быў пасланы Кацярынай Медычы ў Вену. Тут яны выконвалі работы для імператарскага двара Максіміліяна ІІ. Даследчыкі мяркуюць, што Эцьен з’яўляўся даверанай асобай Кацярыны Медычы ў ажыццяўленні дыпламатычных місій.

Меў у Парыжы свой дом, выконваў абавязкі valet du chambre, быў прыдворным жывапісцам апошніх каралёў з дынастыі Валуа і Генрыха IV Бурбона. 1 красавіка 1574 года ён ажаніўся з Ганнай Ліньер, ад якой у яго быў сын, Жыль, які нарадзіўся ў тым жа годзе па дадзеных рэестра царквы Сен-Жэрмен-л’Асеруа. Пасля смерці жонкі ён зноў ажаніўся 29 студзеня 1585 года з Мары Лесаж. Яго сын ад гэтага шлюбу, які нарадзіўся ў канцы 1585 года, П’ер II, стаў вядомым мастаком. Даніель Дзюмусцье — самы знакаміты ў гэтай сям’і, магчыма, быў вучнем Эцьена, які даводзіўся яму дзядзькам. Вядома, што 29 жніўня 1603 года, незадоўга да смерці, Эцьен Дзюмусцье пражываў у Парыжы на Rue Des Quatre Fils. 27 верасня 1603 года ён цяжка захварэў. Сканаў мастак 23 кастрычніка 1603 года. Пахаваны ў царкве Сен-Жан-ан-Грэў.

Зноскі

1. Etienne Dumonstier // Athenaeum Праверана 9 кастрычніка 2017.

   <a href='https://wikidata.org/wiki/Track:Q32061534'></a>
2. Etienne Dumonstier // Art UK painters database Праверана 9 кастрычніка 2017.

   <a href='https://wikidata.org/wiki/Track:Q19847649'></a><a href='https://wikidata.org/wiki/Track:Q7257339'></a>
3. RKDartists Праверана 15 кастрычніка 2016.

   <a href='https://wikidata.org/wiki/Track:Q17299517'></a>
4. Gallica — 1997.

   <a href='https://wikidata.org/wiki/Track:Q1492436'></a>
5. Union List of Artist Names — 2017. Праверана 25 кастрычніка 2018.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
6. museum-digital — 2009.

   <a href='https://wikidata.org/wiki/Track:Q1360745'></a>