Эўрынома

Эўрыно́ма, (стар.-грэч.: Εὐρυνόμη) — у старажытнагрэчаскай міфалогіі акіяніда, дачка Акіяна і Тэфіды^[1].

Эўрынома, Гімерот, Гіпадамія, Эрот, Ясо і Астэрыя на чырвонафігурнай вазе, каля 400 да н.э.

Жонка Афіёна, кіравала Алімпам^[2] (паводле Ферэкіда Сірскага). Дзерлася ўрукапашную з Рэяй^[3], але пацярпела паражэнне і была скінута ў Тартар^[4].

Маці харыт, народжаных ёю ад Зеўса^[5] (ці Акіяна). Маці Асопа ад Зеўса (па версіі)^[6]. Разам з Фетыдай дапамагла Гефесту^[7].

Яе храм знаходзіўся ў Аркадзіі, яе драўляная статуя аблытана залатымі ланцугамі, ніжняя частка цела як у рыбы^[8]. Служка багіні Гармоніі^[9].

У гонар Эўрыномы названы астэроід (79) Эўрынома, адкрыты ў 1863 годзе.

Зноскі

1. Гесіёд. Тэагонія 359; Гігін. Міфы. Уводзіны 6
2. Апалоній Родаскі. Арганаўтыка I 500
3. Схолии к Ликофрону. Александра 1191 // Примечания Н. А. Чистяковой в кн. Аполлоний Родосский. Аргонавтика. М., 2001. С.184
4. Лікафрон. Аляксандра 1197
5. Гесіёд. Тэагонія 907; Калімах, фр.384 Пфайфер; Псеўда-Апаладор. Міфалагічная бібліятэка I 2, 2; 3, 1
6. Псеўда-Апаладор. Міфалагічная бібліятэка III 12, 6
7. Гамер. Іліяда XVIII 398
8. Паўсаній. Апісанне Элады VIII 41, 4.6
9. Нон. Дзеянні Дыяніса XLI 311

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).