Юзаф Ельскі

У Вікіпедыі ёсць артыкулы пра іншых людзей з прозвішчам Ельскі.

Юзаф Ельскі (польск.: Józef Jelski) — дзяржаўны дзеяч.

Юзаф Ельскі
Пелеш[d]
Род	Ельскія
Бацька	Ежы Ельскі[d]
Маці	Людвіка з Булгарынаў[d]
Жонка	Яанна з Вансовічаў[d]
Дзеці	Плацыд Ельскі
Член у	Сябры чалавецтва

Біяграфія

Прадстаўнік шляхецкага роду Ельскіх. Нарадзіўся ў сям’і Ежы Ельскага, падчашага гродзенскага, і Людвікі з Булгарынаў^[1].

Харужы пяцігорскі, сышоў у адстаўку 25 красавіка 1776 года^[1]. У 1816—1820 г. — ваўкавыскі земскі спраўнік^[2].

Член масонскай ложы «Сябры чалавецтва» ў Гродне^[2].

Пакінуў тастамент ад 29 сакавіка 1815 года, якім пакінуў маёнтак Лыскава (Лыскаўшчына) Ваўкавыскага павета сынам Юзафу і Пляцыду, астатнім сынам — грашовыя сумы^[1].

Сям’я

У шлюбе з Яаннай з Вансовічаў^[2]. Дзеці^[1]:

• Юзаф;
• Плацыд;
• Отан, штабс-ротмістр войскаў расійскіх, кавалер ордэна Святой Ганны;
• Мікалай, унтэр-афіцэр войскаў расійскіх;
• Уладзіслаў;
• Іаахім;
• Тамаш.

Зноскі

1. 1. Ельскія герба «Пелеш» // Гербоўнік беларускай шляхты. Т. 6. Е, Ё, Ж / Я. Глінскі [і інш.]; навук. рэд. А. Рахуба. — Мінск : Беларусь, 2020. — С. 24. — 543 с. — ISBN 978-985-01-1345-0.
2. Швед, В. В. Ельскі Юзэф Юзэфавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.