Юзаф Марыконі

У Вікіпедыі ёсць артыкулы пра іншых людзей з прозвішчам Марыконі.

Юзаф Марыко́ні (пасля 1747 — пасля 1794) — ураднік Вялікага Княства Літоўскага, удзельнік паўстання 1794 года^[1].

Юзаф Марыконі
падстароста вількамірскі[d]
Нараджэнне	не раней за 1747
Смерць	не раней за 1794
Род	Марыконі
Бацька	Міхал Тадэвуш Марыконі
Жонка	Канстанцыя з Шадурскіх[d]
Дзеці	Дарота з Марыконі[d] і Феліцыя з Марыконі[d]

Біяграфія

Паходзіў са шляхецкага роду Марыконі ўласнага герба італьянскага паходжання. Нарадзіўся ў сям’і Міхала Тадэвуша Марыконі, старасты больніцкага, памускага і падкаморыя вількамірскага^[1].

Займаў пасаду падстарасты вількамірскага^[1].

Падчас паўстання 1794 года быў прызначаны зямянскім генерал-маёрам Вількамірскага павета і выставіў уласны атрад кавалерыі^[1]. У жніўні 1794 года ўдзельнічаў у рэйдзе Міхала К. Агінскага на Інфлянты, пасля ўзначаліў гэты атрад і давёў яго да Варшавы^[1].