Юзаф Нарановіч-Наронскі

Юзаф Нарановіч-Наронскі або Язэп Нарановіч-Наронскі (1610^[1], Кейданы, Жамойцкае староства — 1678^[1][2], Кёнігсберг^[d] ці Шчытна, Вармінска-Мазурскае ваяводства) — вялікалітоўскі інжынер, картограф і гісторык. Пратэстант паводле веравызнання, лічыў сябе русінам.

Юзаф Нарановіч-Наронскі
Дата нараджэння	1610[1]
Месца нараджэння	Кейданы, Жамойцкае староства, Вялікае Княства Літоўскае
Дата смерці	1678[1][2]
Месца смерці	Кёнігсберг[d], Брандэнбург-Прусія або Шчытна, Шчыценскі павет, Вармінска-Мазурскае ваяводства, Польшча
Грамадзянства	Рэч Паспалітая
Род дзейнасці	матэматык, гісторык, архітэктар, картограф
Альма-матар	Кейданская гімназія

Вучыўся ў кальвінісцкай гімназіі ў Кейданах і, магчыма, у Нідэрландах. З 1644 года на службе ў Януша Радзівіла, у 1644—1653 гадах зрабіў планы радзівілаўскіх гарадоў ВКЛ. Пасля смерці Януша Радзівіла пераехаў у Прусію да Багуслава Радзівіла. У Прусіі стварыў «Генеральную карту Усходняй Прусіі», падрыхтаваў праект злучэння рэк Нёмана і Прэголі для простай сувязі Прусіі з ВКЛ. Памёр у Кёнігсбергу. Большасць вядомых па крыніцах прац Ю. Нарановіча-Наронскага не захавалася.

Бібліяграфія

Карта Біржанскага княства (1645), аўтарства Нарановіча-Наронскага.

• «Мастацтва матэматычных навук» (1650), праца па оптыцы, геаметрыі і фартыфікацыі.
• Jozeph Naronowicz Naroński. Optica lubo perspectiva to iest opisanie nauk widzenia albo przezoru w obaczeniu wszelkich rzeczy wymalowania y własney postaci wyrażenia także osobliwie architectura militaris to iest budownictwo woienne... potem architectura civilis - budownictwo pałacowe : z osobna tablice nazwisk wszystkich nauk matematycznych... z tłumaczeniem z łacińskiego na polskie na ostatku przydana rabdologia albo prędkorachunkowy sposób arithmetici... : to wszystko wzięto z różnych autorów, z wielą przydatków y z doświadczenia samego napisano / przez Jozepha Naronowicza Narońskiego, którego ręką rysowane y pisane A. D. 1659 Junii 3 skończono.. — 1659.
• «Мастацтва артылерыі» (1665)
• «Праўдзівая гісторыя манархіі скіфаў і сарматаў» (1670), праца па гісторыі Рэчы Паспалітай.