Юзаф Трубовіч

Юзаф Трубовіч (6 студзеня 1926 — 26 чэрвеня 2020) — беларускі каталіцкі царкоўны дзеяч, быў найстарэйшым каталіцкім святаром у Беларусі^[1].

Юзаф Трубовіч
Адукацыя	Рыжская каталіцкая духоўная семінарыя
Дзейнасць	каталіцкі святар
Месца працы	Рыжская каталіцкая духоўная семінарыя
Нараджэнне	6 студзеня 1926(1926-01-06) Невярышкі, Браслаўскі павет, Віленскае ваяводства, Польская Рэспубліка
Смерць	26 чэрвеня 2020(2020-06-26) (94 гады)
Пахаванне	Гродна

Біяграфія

Нарадзіўся 6 студзеня 1926 года на Віцебшчыне ў вёсцы Невярышкі. Скончыў Вышэйшую духоўную семінарыю ў Рызе, там жа атрымаў прэзбітэрскае пасвячэнне з рук біскупа Казіміра Дульбіньскага 30 верасня 1956 года. Пасля пасвячэння 20 гадоў працаваў у Латвіі, а потым прыехаў у Гродна і на працягу 12 гадоў працаваў у францысканскім касцёле.

У 1988—1992 гадах быў прэфектам Вышэйшай духоўнай семінарыі ў Рызе, а наступныя сем гадоў быў пробашчам катэдральнай парафіі Святога Францішка Ксаверыя ў Гродне^[2].

З 1999 года з’яўляўся рэзідэнтам у парафіі Беззаганнага Зачацця Найсвяцейшай Панны Марыі ў Гродне.

Памёр 26 чэрвеня 2020 года. Пахаваны 30 чэрвеня ў Гродне на прыкасцёльным цвінтары касцёла Беззаганнага Зачацця Найсвяцейшай Дзевы Марыі^[3].

Зноскі

1. Памёр найстарэйшы каталіцкі святар у Беларусі Юзаф Трубовіч
2. У Гродне памоляцца за спачылага ксяндза Юзафа Трубовіча ў першую гадавіну смерці
3. Адышоў у вечнасць кс. прэлат Юзаф Трубовіч (дапоўнена)