Юліус Бісьер

У Вікіпедыі ёсць артыкулы пра іншых людзей з прозвішчам Бісьер.

Юліус Бісьер (ням.: Julius Bissier; 3 снежня 1893, Фрайбург-ім-Брайсгау — 18 чэрвеня 1965, Аскона) — нямецкі жывапісец-абстракцыяніст, блізкі кірунку інфармаль (фр. art informel), які пачынаў як мастак Новай рэчыўнасці (ням. Neue Sachlichkeit).

Юліус Бісьер
Дата нараджэння	3 снежня 1893(1893-12-03)[1][2][…]
Месца нараджэння	Фрайбург, адміністрацыйная акруга Фрайбург, Бадэн-Вюртэмберг[3][4]
Дата смерці	18 чэрвеня 1965(1965-06-18)[1][2][…] (71 год)
Месца смерці	Аскона[d], Isole Subdistrict[d], акруга Лакарна[d], кантон Тычына, Швейцарыя[4][3]
Грамадзянства	Германія[5]
Род дзейнасці	мастак, мастак-гравёр
Узнагароды	Берлінская мастацкая прэмія[d] (1960)
Медыяфайлы на Вікісховішчы

Біяграфія

Нарадзіўся ў небагатай сям’і. Яго бацька памёр у 1907 годзе, калі хлопчыку было 13 гадоў. У 1913 годзе вывучаў гісторыю мастацтваў у Фрайбургскім універсітэце. У 1914 годзе працягнуў навучанне ў Мастацкай акадэміі Карлсруэ. У 1914—1918 гадах у войску. У 1918 годзе працягнуў навучанне на мастака ў Мюнхене. На Бісьер моцна паўплывала знаёмства з сінолагам Эрнстам Гросэ (1862—1927), якое адбылося ў 1919 годзе. Гросэ пазнаёміў маладога мастака з мастацтвам і духоўнымі практыкамі Азіі. Бісьер вывучаў прыёмы традыцыйнага жывапісу тушшу (свае першыя працы тушшу мастак стварае ў 1926 годзе).

У 1928 годзе атрымаў Залаты медаль у галіне жывапісу горада Дзюсельдорф. У 1930 годзе Бісьер пазнаёміўся ў Парыжы са скульптарам Канстанцінам Бранкузі. Гэтая сустрэча (як і папярэдняя ёй — з жывапісцам Вілі Баўмейстэрам) паслужыла штуршком да эксперыментаў Бісьера у галіне беспрадметнасці.

У 1929—1933 гадах выкладаў у Фрайбургскім універсітэце. У 1934 годзе пры пажары ва ўніверсітэце гіне велізарная колькасць прац мастака. У 1935—1938 гадах неаднаразова наведваў Італію. У 1939 годзе пераехаў у Хагнау на Бодэнскім возеры. У 1955—1956 гадах пачаў сваю серыю работ «Мініяцюры». У 1958 годзе — рэтраспектыва работ Ю.Бісьера ў «Таварыстве Кёстнера», Гановер. У 1959 годзе прыняў удзел у выставе сучаснага мастацтва дакумента II, Касель; мастаку прысуджаецца прэмія Карнеліуса горада Дзюсельдорфа. У 1959—1960 гадах Ю. Бісьер ствараў насценныя пано для Фрэйбургскага ўніверсітэта; рэтраспектывы яго работ у Грамадскім музеі (Gemeente-Museum), Гаага і Палацы прыгожых мастацтваў, Брусель.

Зноскі

1. RKDartists Праверана 16 красавіка 2025.

   <a href='https://wikidata.org/wiki/Track:Q17299517'></a>
2. Benezit Dictionary of Artists — OUP, 2006. — ISBN 978-0-19-977378-7 Праверана 16 красавіка 2025.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
3. Bissier, Julius Heinrich // SIKART — 2006. Праверана 18 чэрвеня 2021.

   <a href='https://wikidata.org/wiki/Track:Q683543'></a><a href='https://wikidata.org/wiki/Track:Q2256716'></a><a href='https://wikidata.org/wiki/Track:Q135273871'></a>
4. Archivio Storico Ricordi — 1808. Праверана 3 снежня 2020.

   <a href='https://wikidata.org/wiki/Track:Q3621644'></a>
5. Museum of Modern Art online collection Праверана 4 снежня 2019.

   <a href='https://wikidata.org/wiki/Track:Q73268604'></a>