Юндзілы (вёска)

Ю́ндзілы^[1] (трансліт.: Jundzily, руск.: Юндилы) — вёска ў Пружанскім раёне Брэсцкай вобласці. Уваходзіць у склад Ружанскага сельсавета.

Вёска Юндзілы Краіна Беларусь Вобласць Брэсцкая Раён Пружанскі Сельсавет Ружанскі Каардынаты 52°52′31″ пн. ш. 25°03′01″ у. д.HGЯO Насельніцтва 399 чал. (1999) Часавы пояс UTC+3 Тэлефонны код +375 1632 Паштовыя індэксы 225151 Аўтамабільны код 1 Юндзілы Юндзілы

Юндзілы на Вікісховішчы

У паняцця ёсць і іншыя значэнні, гл. Юндзілы.

Да 18 чэрвеня 1963 года вёска ўваходзіла ў склад Калазубскага сельсавета^[2].

Назва

Ад балцка-літоўскага імя Jundila літоўскае прозвішча Jundila, тапонімы Jundilai, Jundiliškės. З асновай Jund- (без утваральніка -il-) прозвішча Junda, тапонім Jundiškės.^{[крыніца не паказана 115 дзён]}

Славутасці

У 200 м на поўдзень ад вёскі, у невялікім перелеску размешчана царква XIX стагоддзя. Праваслаўны храм пабудаваны ў традыцыйным для Палесся стылі, практычна без якіх-небудзь элементаў дэкору. Ён складаецца з невялікага бабінца, увянчанага распяццем, асноўнага аб'ёму і апсіды. Сцены вертыкальна абліцаваныя дошкамі і пафарбаваны ў жоўты колер. У сценах і апсідзе зроблена па 3 аконных праёмы з кожнага боку.

Перад храмам стаіць невысокая двух'ярусная званіца. Яна ўяўляе сабой абгароджаную платформу пад шатровым дахам, пастаўленую на 4 слупы.

Камень-следавік, які знаходзіцца каля царквы, па павер’ях з’яўляецца цудатворным. Паданне апавядае, што пасля з’яўлення гэтага валуна, на якім захаваўся адбітак Багародзіцы, была пабудавана капліца. Потым на яе месцы ўзвялі царкву. Побач са «следам» Багародзіцы на камені маюцца «сляды» жывёл. Гавораць, што ў гэтых паглыбленнях збіраецца дажджавая вада: калі прамыць ёю хворыя вочы, можна вылечыцца^[3].

• 
  Царква
• 
  Званіца
• 
  Камень-следавік