Юрый Іванавіч Андрэеў

Юрый Іванавіч Андрэеў (нар. 27 чэрвеня 1954, Багародзіцк, Тульская вобласць, РСФСР) — беларускі ваенны і палітык. Палкоўнік.

Юрый Іванавіч Андрэеў
дэпутат Палаты прадстаўнікоў Нацыянальнага сходу Рэспублікі Беларусь[d] 21 лістапада 2000 — 27 кастрычніка 2008
Нараджэнне	27 чэрвеня 1954(1954-06-27)[1] (71 год) Багародзіцк, Багародзіцкі раён[d], Тульская вобласць, РСФСР, СССР[1]
Адукацыя	Каломенскае вышэйшае артылерыйскае каманднае вучылішча[d][1] Міхайлаўская ваенная артылерыйская акадэмія[d][1]
Род войскаў	Узброеныя Сілы Рэспублікі Беларусь[1] і Савецкая армія[1]
Званне	палкоўнік[1]
Бітвы	Афганская вайна
Узнагароды	ганаровая грамата Нацыянальнага сходу Рэспублікі Беларусь Ганаровая грамата Парламенцкага Сходу Саюза Беларусі і Расіі[d] пахвальная грамата Міжпарламенцкага сходу Еўразійскай эканамічнай супольнасці[d]

У Вікіпедыі ёсць артыкулы пра іншых людзей з прозвішчам Андрэеў.

Біяграфія

Нарадзіўся 27 чэрвеня 1954 года ў Багародзіцку Тульскай вобласці РСФСР.

Скончыў Каломенскае вышэйшае артылерыйскае каманднае вучылішча (афіцэр ракетных войскаў і артылерыі, інжынер па эксплуатацыі артылерыйскага ўзбраення), Ваенную артылерыйскую акадэмію імя М. І. Калініна (афіцэр па кіраванні баявымі дзеяннямі).

Праходзіў ваенную службу ў якасці камандзіра ўзвода, батарэі, дывізіёна, артылерыйскага палка паветрана-дэсантнай дывізіі ў Афганістане, начальніка аддзялення артылерыі паветрана-дэсантнай дывізіі, начальніка аддзялення падрыхтоўкі войскаў аддзела падрыхтоўкі войскаў Галоўнага ўпраўлення пагранічных войскаў, начальніка аддзела падрыхтоўкі і выхавання асабовага складу пагранічнага атрада пагранічных войскаў, начальніка пагранічнага атрада пагранічных войскаў Рэспублікі Беларусь.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь другога і трэцяга скліканняў^[2].

Узнагароды

• падзяка Прэзідэнта Рэспублікі Беларусь,
• ордэн Чырвонай Зоркі,
• ордэн «За службу Радзіме» ІІІ ступені,
• медаль «За баявыя заслугі»,
• васямнаццаць юбілейных медалёў,
• Ганаровая грамата Нацыянальнага сходу Рэспублікі Беларусь,
• Ганаровая грамата Міжпарламенцкай Асамблеі Еўразійскага эканамічнага супольніцтва,
• Ганаровая грамата Парламенцкага Сходу Саюза Беларусі і Расіі^[3].

Зноскі

1. http://house.gov.by/index.php/,119,150,,,0,,,0.html
2. АНДРЕЕВ ЮРИЙ ИВАНОВИЧ(недаступная спасылка)
3. ПАРЛАМЕНТ — Нацыянальны сход Рэспублікі Беларусь трэцяга склікання Архівавана 16 верасня 2020.