Юрый Іванавіч Зяновіч

Юрый Іванавіч Зяновіч (каля 1450 — пасля 1516) — дзяржаўны дзеяч Вялікага Княства Літоўскага

Юрый Зяновіч
Герб «Дэспат»
Намеснік смаленскі 1507 — 1508
Папярэднік	Юрый Салагуб
Пераемнік	Юрый Глябовіч
Нараджэнне	каля 1450
Смерць	пасля 1516
Род	Зяновічы
Бацька	Іван Зяновіч
Жонка	Ганна з Осцікаў[d][1]
Дзеці	Мікалай, Юрый, Міхаіл, Ян

Біяграфія

Прадстаўнік роду Зяновічаў герба «Дэшпат», сын Івана Зяноўевіча.

Намеснік браслаўскі (1494), смаленскі ў 1507—1508, магілёўскі з 1514, маршалак гаспадарскі (з 1516).

Валодаў Смаргонню, Паставамі, Глыбокім і іншымі маёнткамі.

Сям’я

Меў чатырох сыноў Мікалая, Юрыя, Міхаіла і Яна, якія памерлі маладымі і не займалі высокіх пасад. У 1522—1524 гадах першыя тры судзіліся з Радзівіламі за маентак Вапленае. У 1528 годзе ўдава Мікалая ставіла ў войска 30 коннікаў, Юрый — 11, Міхал — 28, Ян — 41. Ад Мікалая і Міхала пайшлі 2 найбольш значныя галіны Зяновічаў.