Юрый Іванавіч Кулажанка

У Вікіпедыі ёсць артыкулы пра іншых людзей з прозвішчам Кулажанка.

Юрый Іванавіч Кулажанка (27 мая 1964(1964-05-27), Ручаёўка, Гомельская вобласць — 11 снежня 2024(2024-12-11)) — беларускі матэматык, спецыяліст у галіне матэматычнай логікі, алгебры і тэорыі лічбаў. Доктар фізіка-матэматычных навук (2015), дацэнт (2004)^[1]. Рэктар Беларускага дзяржаўнага ўніверсітэта транспарту (2016—2024).

Юрый Іванавіч Кулажанка
Дата нараджэння	27 мая 1964(1964-05-27)
Месца нараджэння	Ручаёўка, Ручаёўскі сельсавет, Брагінскі раён, Гомельская вобласць, Беларуская ССР, СССР
Дата смерці	11 снежня 2024(2024-12-11) (60 гадоў)
Род дзейнасці	выкладчык універсітэта
Месца працы	Гомельскі дзяржаўны ўніверсітэт БелДУТ
Навуковая ступень	доктар фізіка-матэматычных навук (2015)
Альма-матар	Гомельскі дзяржаўны ўніверсітэт (1986)
Узнагароды

Біяграфія

Нарадзіўся 27 мая 1964 года ў в. Ручаёўка Лоеўскага раёна Гомельскай вобласці.

У 1986 годзе скончыў Гомельскі дзяржаўны ўніверсітэт па спецыяльнасці «Матэматыка». Пасля заканчэння ўніверсітэта ў 1986 годзе размеркаваны на пасаду настаўніка матэматыкі Даўгалескай сярэдняй школы Гомельскага раёна, а ў 1988 годзе прызначаны на пасаду намесніка дырэктара па вучэбна-выхаваўчай рабоце Верхне-Брылеўскай сярэдняй школы Гомельскага раёна.

У 1990 годзе паступіў і ў 1992 годзе скончыў аспірантуру Беларускага інстытута інжынераў чыгуначнага транспарту па спецыяльнасці «Матэматычная логіка, алгебра і тэорыя лікаў». У 1998 годзе абараніў кандыдацкую на тэму «Крытэрыі паўабелявасці n-арных груп»^[2], а ў 2015 годзе — доктарскую дысертацыю на тэму «Поліядычныя аперацыі і іх прыкладанні»^[3].

З 1992 па 2004 год працаваў у Беларускім дзяржаўным універсітэце транспарту.

З 2004 па 2014 год — першы прарэктар Гомельскага дзяржаўнага ўніверсітэта імя Францыска Скарыны.

З 2014 года па 2016 год працаваў начальнікам упраўлення падрыхтоўкі навуковых кадраў вышэйшай кваліфікацыі Беларускага дзяржаўнага ўніверсітэта інфарматыкі і радыёэлектронікі^[1].

26 кастрычніка 2016 года прызначаны рэктарам Беларускага дзяржаўнага ўніверсітэта транспарту^[1].

З’яўляўся дэпутатам Гомельскага абласнога Савета дэпутатаў 28 склікання.

Памёр 11 снежня 2024 года пасля цяжкай і працяглай хваробы^[4].

Узнагароды

• Падзяка Старшыні Палаты прадстаўнікоў Нацыянальнага сходу Рэспублікі Беларусь (2018)^[1],
• падзяка Міністра транспарту і камунікацый Рэспублікі Беларусь^[5],
• грамата Міністэрства абароны Рэспублікі Беларусь^[5],
• ганаровая грамата Міністэрства транспарту і камунікацый Рэспублікі Беларусь^[5],
• знак адрознення «Ганаравы транспартнiк»^[5],
• нагрудны знак «Выдатнiк Беларускай чыгункі»^[5],
• падзяка Адміністрацыі Прэзідэнта Рэспублікі Беларусь^[5].

Зноскі

1. Кулаженко Юрий Иванович (нявызн.)(недаступная спасылка). Архівавана з першакрыніцы 8 сакавіка 2022. Праверана 20 снежня 2020.
2. Критерии полуабелевости n-арных групп : автореферат диссертации … кандидата физико-математических наук : 01.01.06 / Кулаженко Юрий Иванович. — Гомель, 1998.
3. Полиадические операции и их приложения : диссертация … доктора физико-математических наук : 01.01.06: защищена 29.05.2015: утверждена 25.11.2015 / Кулаженко Юрий Иванович. — Гомель, 2015.
4. Ушел из жизни Юрий Иванович Кулаженко (нявызн.)(недаступная спасылка). Архівавана з першакрыніцы 11 снежня 2024. Праверана 11 снежня 2024.
5. В возрасте 60 лет ушел из жизни ректор БелГУТа Юрий Кулаженко