Юрый Аляксандравіч Карачун

У Вікіпедыі ёсць артыкулы пра іншых людзей з прозвішчам Карачун.

Юрый Аляксандравіч Карачун (27 снежня 1931, Менск — 11 чэрвеня 1997, Мінск) — беларускі мастак-графік, мастацтвазнаўца, заслужаны дзеяч мастацтваў Беларусі (1992), дырэктар Дзяржаўнага мастацкага музея Беларусі ў 1977—1997 гадах.

Юрый Аляксандравіч Карачун
Дата нараджэння	27 снежня 1931(1931-12-27)
Месца нараджэння	Менск, Беларуская ССР, СССР
Дата смерці	11 чэрвеня 1997(1997-06-11) (65 гадоў)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Род дзейнасці	мастак, дзеяч выяўленчага мастацтва, графік, мастацтвазнавец
Месца працы	Нацыянальны мастацкі музей Рэспублікі Беларусь
Жанр	графіка
Вучоба	Мінскае мастацкае вучылішча (1952) Маскоўскі паліграфічны інстытут (1965)
Вядомыя працы	альбомы «Янка Купала ў творчасці мастакоў», «Якуб Колас у творчасці мастакоў» (1982).
Член у	Саюз мастакоў БССР
Узнагароды	Заслужаны дзеяч мастацтваў Рэспублікі Беларусь (1992)
Медыяфайлы на Вікісховішчы

Пахаваны ў Мінску на Усходніх могілках.

Творчасць

Асноўныя працы: малюнкі «Сосны», «Крым. Місхор», «Гурзуф»; акварэлі «Першы снег», «Прага». З’яўляўся аўтарам-складальнікам альбомаў «Янка Купала ў творчасці мастакоў» і «Якуб Колас у творчасці мастакоў» (1982), аўтарам кнігі пра народнага мастака БССР Яўгена Зайцава. Працы Юрыя Карачуна захоўваюцца ў Нацыянальным мастацкім музеі Беларусі, Беларускім музеі народнай архітэктуры і побыту, Літаратурным музеі Якуба Коласа.

Памяці мастака

27 снежня 2006 года Міністэрства сувязі і інфарматызацыі Рэспублікі Беларусь увяло ў паштовы абарот мастацкі канверт з арыгінальнай маркай «75 гадоў з дня нараджэння Ю. А. Карачуна», падрыхтаваны выдавецкім цэнтрам «Марка» РУП «Белпошта». У дзень выхаду канверта ў абарот на Мінскам паштамце было праведзена спецыяльнае памятнае гашэнне. Мастак канверта і спецштэмпеля Арцём Рыбчынскі. Колер масцікі — чорны. Тыраж 56 тысяч экзэмпляраў^[1].

Выбраная бібліяграфія

• Карачун Ю. А. «Якуб Колас у творчасці мастакоў». — Мінск, 1982.
• Карачун Ю. А. «Янка Купала ў творчасці мастакоў». — Мінск, 1982.
• Карачун Ю. А. «Евгений Зайцев». — Минск: Беларусь, 1988. — 134 с.