Юрый Анатольевіч Сяргееў

Юрый Анатолевіч Сяргееў (укр.: Юрій Анатолійович Сергеєв; нар. 5 лютага 1956(1956-02-05), Гюмры) — украінскі дыпламат. Надзвычайны і Паўнамоцны Пасол Украіны. Пастаянны прадстаўнік Украіны пры ААН (2007—2015).

Юрый Анатолевіч Сяргееў
укр.: Юрій Анатолійович Сергеєв
Пастаянны прадстаўнік Украіны пры ААН, дыпламат 18.4.2007 — 09.12.2015
Нараджэнне	5 лютага 1956(1956-02-05) (69 гадоў) Гюмры, Армянская ССР, СССР
Адукацыя	Кіеўскае вышэйшае агульнавайсковае каманднае вучылішча Інстытут філалогіі Кіеўскага нацыянальнага ўніверсітэта імя Тараса Шаўчэнкі[d] (1981)
Навуковая ступень	кандыдат філалагічных навук
Месца працы	Арганізацыя Аб’яднаных Нацый
Узнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Сяргееў.

Біяграфія

Вучыўся ў Кіеўскім вышэйшым агульнавайсковым вучылішчы імя М. Фрунзэ. Скончыў Кіеўскі дзяржаўны ўніверсітэт імя Тараса Шаўчэнкі (1981), філолаг-выкладчык. Кандыдат філалагічных навук, дацэнт. Валодае замежнымі мовамі: англійскай, рускай, французскай.

З 1981 па 1989 — асістэнт кафедры філалагічнага факультэта Кіеўскага ўніверсітэта.

З 1989 па 1992 — дацэнт кафедры філалагічнага факультэта, намеснік дырэктара Інстытута ўкраіназнаўства пры Кіеўскім універсітэце.

З 1992 па 1993 — кіраўнік Прэс-цэнтра МЗС Украіны.

З 1993 па 1994 — начальнік Упраўлення інфармацыі МЗС Украіны.

Са жніўня па снежань 1994 — кіраўнік Сакратарыята Міністра замежных спраў Украіны.

З 1994 да 1997 — начальнік Упраўлення інфармацыі МЗС Украіны.

Са студзеня па лістапад 1997 — саветнік-пасланнік Пасольства Украіны ў Вялікабрытаніі і Паўночнай Ірландыі.

З 6 лістапада 1997 па 15 снежня 2000 — Надзвычайны і Паўнамоцны Пасол Украіны ў Грэцыі. Адначасова з 20 жніўня 1999 — Надзвычайны і Паўнамоцны Пасол Украіны ў Албаніі па сумяшчальніцтве.

Са снежня 2000 па люты 2001 — кіраўнік Галоўнага ўпраўлення па пытаннях знешняй палітыкі Адміністрацыі Прэзідэнта Украіны.

З лютага па ліпень 2001 — першы намеснік Міністра замежных спраў Украіны.

З ліпеня 2001 па сакавік 2003 — Дзяржаўны сакратар МЗС Украіны.

З 2003 па 2007 — Надзвычайны і Паўнамоцны Пасол Украіны ў Францыі, Пастаянны прадстаўнік Украіны пры ЮНЕСКА.

З 18 красавіка 2007 да 9 снежня 2015 — Пастаянны прадстаўнік Украіны пры ААН. Адначасова з 17 чэрвеня 2008 — Надзвычайны і Паўнамоцны Пасол Украіны ў Садружнасці Багамскія Астравы па сумяшчальніцтве.

Дыпламатычны ранг

Надзвычайны і Паўнамоцны Пасол Украіны (2000).

Зноскі