Юрый Валер’евіч Чарнякевіч

У Вікіпедыі ёсць артыкулы пра іншых людзей з прозвішчам Чарнякевіч.

Юрый Валер’евіч Чарняке́віч (нар. 10 мая 1979, Пінск, Брэсцкая вобласць) — беларускі мовазнаўца, журналіст. Кандыдат філалагічных навук (2017)^[1].

Юрый Валер’евіч Чарнякевіч
Дата нараджэння	10 мая 1979(1979-05-10) (46 гадоў)
Месца нараджэння	Пінск, Брэсцкая вобласць, Беларуская ССР, СССР
Грамадзянства	Беларусь
Жонка	Аксана Пятроўна Бязлепкіна
Месца працы	філалагічны факультэт БДПУ імя М. Танка
Навуковая ступень	кандыдат філалагічных навук (2017)
Альма-матар	філалагічны факультэт БДПУ імя М. Танка

Біяграфія

Нарадзіўся 10 мая 1979 года ў Пінску Брэсцкай вобласці. У 2004 годзе скончыў Беларускі дзяржаўны педагагічны ўніверсітэт імя Максіма Танка па спецыяльнасці «Беларуская мова і літаратура» з дадатковай спецыяльнасцю «Дзіцячая і юнацкая журналістыка» і атрымаў кваліфікацыю «настаўнік беларускай мовы і літаратуры, дзіцячы і юнацкі журналіст». У 2008 годзе закончыў аспірантуру гэтага ж універсітэта^[1].

У 2015—2017 гадах працаваў аглядальнікам газеты «Культура». З 2017 года працуе на кафедры беларускага мовазнаўства філалагічнага факультэта БДПУ імя М. Танка, дзе займае пасаду старшага выкладчыка^[1].

Навуковая дзейнасць

Асноўныя навуковыя інтарэсы — беларуская і славянская лінгвістыка, дыялекталогія і этналінгвістыка^[1].

Сям'я

У шлюбе з літаратуразнаўцай Аксанай Пятроўнай Чарнякевіч (па нараджэнні Бязлепкінай; нар. 1981)^[2].