Юрый Васілевіч Смірноў (вайсковец)

Юрый Васілевіч Смірно́ў^[1] (руск.: Юрий Васильевич Смирнов; 2 верасня 1925, в. Дзешукава, Макар’еўскі раён, Кастрамская вобласць, Расія — 25 чэрвеня 1944, в. Шалашына, Дубровенскі раён, Віцебская вобласць) — удзельнік Вялікай Айчыннай вайны, Герой Савецкага Саюза (1944).

Юрый Васілевіч Смірноў
руск.: Юрий Васильевич Смирнов
Дата нараджэння	2 верасня 1925(1925-09-02)
Месца нараджэння	Дзешукава[d], Унжанскае сельскае паселішча[d], Макар’еўскі раён[d], СССР
Дата смерці	25 чэрвеня 1944(1944-06-25) (18 гадоў)
Месца смерці	Шалашына, Пірагоўскі сельсавет, Беларусь
Месца пахавання	Арэхаўск
Грамадзянства	СССР
Прыналежнасць	СССР
Род войскаў	пяхота
Званне	малодшы сяржант
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Смірноў.

Біяграфія

На фронце з 1943 года. Вызначыўся пры вызваленні Віцебскай вобласці. 24 чэрвеня 1944 года гвардыі малодшы сяржант Смірноў у складзе танкавага дэсанту прарваўся ў тыл ворага каля вёскі Шалашына Дубровенскага раёна. Цяжка паранены, трапіў у палон. Нягледзячы на катаванні, не выдаў ворагу ваеннай тайны і быў распяты на сцяне бліндажа.

Памяць

Пахаваны ў гарадскім пасёлку Арэхаўск. У вёсцы Шалашына на месцы яго гібелі ўстаноўлены помнік. Помнікі таксама ўстаноўлены ў горадзе Орша, у вёсцы Бераснёва Аршанскага раёна, у Арэхаўску і вёсцы Буда Дубровенскага раёна^[1]. Рашэннем Мінгарвыканкама № 349 ад 26 сакавіка 1953 года яго імем была названа вуліца ў Маскоўскім раёне Мінска.

У 1973 годзе быў узведзены Мемарыяльны комплекс «Рыленкі», дзе яму была прысвечана адна і кампазіцый.

Зноскі

1. БелЭн 2002.