Юрый Васілевіч Смірноў (спявак)

У Вікіпедыі ёсць артыкулы пра іншых асоб з падобнымі імёнамі, гл. Смірноў і Юрый Васілевіч Смірноў.

Ю́рый Васі́левіч Смірно́ў (руск.: Юрий Васильевич Смирнов; 2 верасня 1925, в. Даманава, цяпер Ржэўскі раён, Цвярская вобласць, Расія — 25 красавіка 1997) — беларускі спявак (лірычны тэнар).

Юрый Васілевіч Смірноў
руск.: Юрий Васильевич Смирнов
Род дзейнасці	спявак
Дата нараджэння	2 верасня 1925(1925-09-02)
Месца нараджэння	РСФСР, СССР
Дата смерці	25 красавіка 1997(1997-04-25) (71 год)
Грамадзянства	СССР  Беларусь
Месца працы	Омскі дзяржаўны музычны тэатр[d] Дзяржкамітэт БССР па тэлебачанні і радыёвяшчанні
Альма-матар	Саратаўская дзяржаўная кансерваторыя імя Л. В. Собінава (1954)
Узнагароды і прэміі

Біяграфія

У 1954 годзе скончыў Саратаўскую кансерваторыю. З 1954 года саліст Омскага тэатра музычнай камедыі. У 1958—1989 гадах саліст Дзяржаўнага камітэта БССР па тэлебачанні і радыёвяшчанні.

Творчасць

Прасоўваў вакальную музыку беларускіх кампазітараў. Сярод запісаў на тэлебачанні і радыё: оперныя партыі – Конрад («Кветка шчасця» Аляксея Туранкова), палкоўнік Лосеў («Кастусь Каліноўскі» Дзмітрыя Лукаса), Саўка Мільгун («У пушчах Палесся» Анатоля Багатырова); вакальныя цыклы «Аб каханні і працы» Сяргея Аксакава на словы Пятра Прыходзькі, «Поры года» Дзмітрыя Лукаса на словы Эдзі Агняцвет, «Бедны Пётр» Пятра Падкавырава на словы Генрыха Гейнэ, кантата «Палі стэпавыя» Івана Кузняцова на словы Авар’яна Дзеружынскага і К. Разганаева^[1].

Узнагароды

Заслужаны артыст Беларускай ССР (1968).