Юрый Віктаравіч Каралюк

Юрый Каралюк (нар. 10 студзеня 1990, Брэст) — беларускі футбаліст, нападнік.

Юрый Каралюк
Поўнае імя	Юрый Віктаравіч Каралюк
Нарадзіўся	10 студзеня 1990(1990-01-10)[1] (35 гадоў) Брэст, Брэсцкая вобласць, Беларуская ССР, СССР
Грамадзянства	Беларусь
Рост	186 см
Вага	79 кг
Пазіцыя	нападнік
Клубная кар’ера[* 1]
2007—2010 Дынама (Брэст) 6 (0) 2010—2011 Хваля (Пінск) 32 (21) 2012—2013 Тарпеда-БелАЗ (Жодзіна) 7 (0) 2012 →  Граніт (Мікашэвічы) 12 (4) 2013 Хваля (Пінск) 10 (3) 2014 Кобрын 6 (0) 2014 Хваля (Пінск) 8 (0)
Нацыянальная зборная[* 2]
2011—2012 Беларусь (да 21) 3 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 лютага 2015. Колькасць гульняў і галоў за нацыянальную зборную ў афіцыйных матчах, адкарэктавана станам на 2 жніўня 2013

Клубная кар’ера

З 2008 года гуляў за брэсцкае «Дынама». Не трапляў у асноўны склад і ў 2010 годзе перайшоў у пінскую «Хвалю». Выдатна праявіў сябе ў сезоне 2011, стаўшы найлепшым бамбардзірам Першай лігі.

У студзені 2012 года падпісаў кантракт з «Тарпеда-БелАЗ». Не змог замацавацца ў аснове жодзінскага клуба і ў жніўні 2012 год зноў апынуўся ў Першай лізе, на гэты раз у арэндзе ў мікашэвіцкім «Граніце»^[2].

Па заканчэнні сезона 2012 вярнуўся ў Жодзіна, але пачатак сезона 2013 прапусціў з-за траўмы. У ліпені 2013 года кантракт з «Тарпеда-БелАЗ» быў скасаваны^[3], і ў хуткім часе Каралюк вярнуўся ў «Хвалю»^[4]. У лістападзе 2013 года кантракт з «Хваляй» быў разарваны^[5].

Сезон 2014 распачаў у Другой лізе ў складзе «Кобрына». У ліпені 2014 года, аднак, пачаў трэніравацца з «Хваляй» і неўзабаве чарговы раз вярнуўся ў пінскі клуб^[6], але ўжо ў кастрычніку 2014 года пакінуў «Хвалю»^[7] і завяршыў прафесійную кар’еру.

Міжнародная кар’ера

Выступаў за моладзевую зборную Беларусі.

Дасягненні

• Найлепшы бамбардзір Першай лігі чэмпіянату Беларусі: 2011 (21 мяч)