Юрый Анатолевіч Курненін

Юрый Анатолевіч Курненін (14 чэрвеня 1954, Арэхава-Зуева, РСФСР — 30 ліпеня 2009, Мінск, Беларусь^[2]) — беларускі футбаліст і трэнер. Выступаў на некалькіх амплуа — крайні нападнік, левы паўабаронца і абаронца. Майстар спорту.

Юрый Курненін
Агульная інфармацыя
Поўнае імя	Юрый Анатолевіч Курненін
Нарадзіўся	14 чэрвеня 1954(1954-06-14) Арэхава-Зуева, Арэхава-Зуеўскі раён[d], Маскоўская вобласць, РСФСР, СССР
Памёр	30 ліпеня 2009(2009-07-30)[1] (55 гадоў) Мінск, Беларусь
Пахаванне	Паўночныя могілкі
Грамадзянства	Беларусь
Рост	171 см
Пазіцыя	абаронца
Клубная кар’ера[* 1]
1971—1975 Дынама (Масква) 17 (2) 1976—1987 Дынама (Мінск) 315 (26)
Трэнерская кар’ера
1989—1990 КІМ (Віцебск) трэнер 1991—1992 / Дынама (Брэст) 1994 Саматлор-XXI (Ніжневартаўск) 1996 Сірыя 1997 Аль-Ахлі (Маскат) 1999—2000 Дынама (Мінск) 2001 Чарнаморац (Новарасійск) трэнер 2002—2003 Шахцёр (Салігорск) трэнер 2003 Дынама (Мінск) трэнер 2003—2005 Беларусь трэнер 2006—2009 Беларусь (да 21)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Кар’ера іграка

Выхаванец футбольнай школы «Сцяг працы», з 1972 выступаў за маскоўскае «Дынама». У 1976 перайшоў у мінскае «Дынама», дзе выступаў да завяршэння кар’еры ў 1987. Быў капітанам мінскай каманды ў 1983—1984. У 1982 у складзе «Дынама» стаў чэмпіёнам СССР, а пазней, у 1983, стаў аўтарам першага гола беларускіх клубаў у еўракубках (у вароты швейцарскага «Грасхопера»).

Тройчы (1982, 1983, 1984) трапляў у спіс 33 лепшых футбалістаў СССР.

Кар’ера трэнера

У 1983 скончыў БДІФК. З 1989 перайшоў на трэнерскую працу. Узначальваў віцебскі КІМ, брэсцкае «Дынама». Апошняе прывёў да бронзавых медалёў чэмпіянату Беларусі 1992. Пазней працаваў у расійскім «Саматлоры», у 1996 узначальваў нацыянальную зборную Сірыі.

У 1999 вярнуўся ў Беларусь, трэніраваў мінскае «Дынама» і салігорскі «Шахцёр». У 2003 увайшоў у трэнерскі штаб зборнай Беларусі, дзе дапамагаў свайму былому таварышу па «Дынама» Анатолю Байдачнаму.

У лютым 2006 узначаліў моладзевую зборную Беларусі. Вывеў яе ў фінальны этап моладзевага чэмпіянату Еўропы 2009.

Памёр 30 ліпеня 2009 у сне.

Дасягненні

Ігравыя

• 03 Бронзавы прызёр чэмпіянату СССР (2): 1975, 1983
• 01 Чэмпіён СССР: 1982

Трэнерскія

• 03 Бронзавы прызёр чэмпіянату Беларусі: 1992