Юрый Віктаравіч Кітурка

У Вікіпедыі ёсць артыкулы пра іншых людзей з прозвішчам Кітурка.

Юрый Віктаравіч Кітурка (нар. 17 снежня 1964, Гродна) — беларускі гісторык і музейны дзеяч. Кандыдат гістарычных навук (2001)^[1]. Дырэктар Гродзенскага дзяржаўнага гісторыка-археалагічнага музея з 2003 года^[1].

Юрый Віктаравіч Кітурка
Дата нараджэння	17 снежня 1964(1964-12-17) (60 гадоў)
Месца нараджэння	Гродна, Гродзенская вобласць, Беларуская ССР, СССР
Грамадзянства	Беларусь
Жонка	Ірына Фёдараўна Кітурка
Род дзейнасці	гісторык, музейны супрацоўнік
Месца працы	Беларуская дзяржаўная сельскагаспадарчая акадэмія Гродзенскі дзяржаўны гісторыка-археалагічны музей
Навуковая ступень	кандыдат гістарычных навук (2001)
Альма-матар	гістарычны факультэт ГрДУ імя Янкі Купалы (1990)

Біяграфія

Нарадзіўся 17 снежня 1964 года ў Гродне^[2]. У 1990 годзе скончыў гістарычны факультэт Гродзенскага дзяржаўнага ўніверсітэта імя Янкі Купалы^[3]. Больш за год выкладаў гісторыю рэлігіі ў Горацкай сельскагаспадарчай акадэміі^[3].

З 1991 года працуе ў Гродзенскім гісторыка-археалагічным музеі — спачатку экскурсаводам, затым навуковым супрацоўнікам. У 2001 годзе абараніў кандыдацкую дысертацыю^[1]. З 2003 года займае пасаду дырэктара музея^[1].

Навуковая дзейнасць

Асноўныя напрамкі даследаванняў — гісторыя Гродзеншчыны^[1], беларуска-польскія адносіны канца XIX — пачатку XX ст., гісторыя ўзбраення^[2].

Сям’я

Жонка — Ірына Фёдараўна Кітурка (нар. 1970), гісторык, доктар гістарычных навук, з 2017 года — рэктар ГрДУ імя Янкі Купалы. Ёсць сын, які таксама скончыў гістарычны факультэт ГрДУ імя Янкі Купалы^[4].