Ядвіга Канстанцінаўна Паплаўская

У Вікіпедыі ёсць артыкулы пра іншых людзей з імем Паплаўская.

Ядвіга Канстанцінаўна Паплаўская (нар. 25 красавіка 1949, дэ-юрэ 1 мая, в. Далідавічы, Валожынскі раён, Мінская вобласць) — беларускі кампазітар, эстрадная спявачка. Заслужаны артыст Беларусі (1991). Народны артыст Беларусі (2006).

Ядвіга Канстанцінаўна Паплаўская
Род дзейнасці	спявачка, кампазітарка
Дата нараджэння	25 красавіка 1949(1949-04-25)[1] (76 гадоў)
Месца нараджэння	Далідавічы, Валожынскі раён, Маладзечанская вобласць, Беларуская ССР, СССР
Грамадзянства	Беларусь
Альма-матар	Беларуская дзяржаўная акадэмія музыкі
Член у	Верасы (1986)[2]
Узнагароды і прэміі
Медыяфайлы на Вікісховішчы

Біяграфія

Нарадзілася 25 красавіка 1949 года ў в. Далідавічы Валожынскага раёна Мінскай вобласці. Бацька — Канстанцін Паплаўскі. Скончыла Беларускую кансерваторыю па класах фартэпіяна (1972) і кампазіцыі (1988). З 1971 года — артыстка ВІА «Верасы», з 1987 года — салістка-вакалістка Дзяржаўнага канцэртнага аркестра Беларусі. Стваральнік і кіраўнік (разам з мужам Аляксандрам Ціхановічам) першага ў Беларусі Тэатра песні (1988) і творчай студыі пры ім. Выступае (з Ціхановічам) у складзе эстрадна-вакальнага дуэта^[3]. Аўтар кантаты «Сын зямлі», сімфанічнай паэмы, цыкла прэлюдый, санаты, дзіцячых п'ес для фартэпіяна, хароў, рамансаў, эстрадных песень, шматлікіх апрацовак і аранжыровак беларускага песеннага фальклору.

Указам Прэзідэнта Рэспублікі Беларусь ад 30 сакавіка 2006 года № 185 за значны асабісты ўклад у развіццё нацыянальнай культуры, захаванне і прапаганду лепшых музычных традыцый Ядвізе Паплаўскай і яе мужу Аляксандру Ціхановічу прысвоены званні «Народны артыст Беларусі».

Зноскі

1. https://zviazda.by/be/news/20190501/1556700889-yadviga-paplauskaya-syonnya-svyatkue-70-goddze
2. https://files.knihi.com/preview/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.12.djvu/66_996x9999.jpeg
3. Будкін, Сяргей. 25 жанчын, без якіх не было б беларускай музыкі (+ аўдыё)  (бел.). Будзьма беларусамі! (2 мая 2013). Архівавана з першакрыніцы 4 красавіка 2020. Праверана 4 красавіка 2020.