Ялізава (шклозавод)

Шклозавод Ялізава — адзін з найбуйнейшых вытворцаў бясколернай шкляной тары на тэрыторыі Беларусі. Прадпрыемства з'яўляецца горадаўтваральным для пасёлка Ялізава Асіповіцкага раёна Магілёўскай вобласці.

ААТ «Шклозавод «Ялізава»
Тып	філіял ААТ «Гродзенскі шклозавод»
Заснаванне	1913
Краіна	Беларусь
Размяшчэнне	г.п. Ялізава, Магілёўская вобласць, Рэспубліка Беларусь
Галіна	шкляная прамысловасць
Прадукцыя	вырабы са шкла

Шкляны завод у пасёлку Ялізава заснаваны ў 1913 годзе. За савецкім часам гэта быў сапраўдны гігант шклатары: 5 цэхаў завода давалі працу паўтары тысячам чалавек.

З пачатку 2000-х гадоў 65 % акцый шклозавода «Ялізава» належыць АТЕС Holding — гэта зарэгістраваная ў Аўстрыі кампанія, адным з асноўных уладальнікаў якой называюць вядомага беларускага бізнесмена Аляксандра Мураўёва.^[1]

Рост кошту газу і ўступленне Беларусі ў адзіную мытную прастору ў 2014 годзе зрабілі прадукцыю завода неканкурэнтаздольнай. У 2015 працаваў толькі адзін цэх з 390 рабочымі. У студзені 2016 завод быў прызнаны банкрутам, але працягнуў працу. У красавіку 2018 быў набыты за 36 млн рублёў Гродзенскім шклозаводам на крэдыт Беларусбанка.^[2]

На заводзе можна наведаць Музей шкла.

12 верасня 2018 года да свайго 105-гадовага юбілея шклозавод правёў дзень адчыненых дзвярэй.^[3]

Зноскі

1. https://news.tut.by/economics/476446.html Архівавана 2 красавіка 2019.
2. https://news.tut.by/economics/592147.html Архівавана 2 красавіка 2019.
3. https://www.belta.by/regions/view/steklozavod-elizovo-v-chest-105-letija-provedet-den-otkrytyh-dverej-317516-2018/