Ян Стэфан Тызенгаўз

Ян Стэфан Тызенгаўз (? — 1730) — дзяржаўны дзеяч Вялікага Княства Літоўскага.

Ян Стэфан Тызенгаўз
Герб «Буйвал I»
Ваявода мсціслаўскі 1714 — 1730
Папярэднік	Міхал Сясіцкі
Пераемнік	Крыштаф Дамінік Пузына
Смерць	1730(1730)
Род	Тызенгаўзы
Бацька	Стэфан Тызенгаўз
Маці	Барбара з Шэметаў[d]
Жонка	Алена з Войнаў-Ясянецкіх[d][1]
Дзеці	Тарэза, Стэфан, Бенедыкт

Вялікі пісар ВКЛ у 1699—1714, ваявода мсціслаўскі з 1714, маршалак Трыбунала ВКЛ у 1716 і 1720. Быў таксама старостам купішскім і дыяменцкім.

Сям’я

Сын новагародскага ваяводы Стэфана Тызенгаўза і Барбары Шэмет, дачкі слонімскага падкаморага Габрыэля Шэмета. Ажаніўся з Аленай Войнай-Ясянецкай, дачкой новагародскага кашталяна Аляксандра Войны-Ясянецкага. Пакінуў дзяцей Тэрэзу (жонка віцебскага ваяводы Марцыяна Міхала Агінскага), пянянскага старосту Стэфана і купішскага старосту Бенедыкта.