Яраполк Святаславіч

Яраполк Святаславіч (? — 978) — князь кіеўскі (970—972), вялікі князь кіеўскі (972—978).

Яраполк Святаславіч
Ꙗропълъкъ Свѧтославличь
вялікі князь кіеўскі[d] 972 — 978
Папярэднік	Святаслаў Ігаравіч
Пераемнік	Уладзімір Святаславіч
Нараджэнне	невядома Кіеў, Кіеўская Русь
Смерць	11 чэрвеня 978 Канеў, Кіеўскае княства[d], Кіеўская Русь
Месца пахавання	Дзесяцінная царква[d]
Род	Рурыкавічы
Бацька	Святаслаў Ігаравіч[1][2]
Маці	Прадслава[d]
Жонка	Юлія[d]
Дзеці	Святаполк
Бітвы	Svyatoslaviches' feud[d]
Медыяфайлы на Вікісховішчы

Біяграфія

Сын Святаслава Ігаравіча.

Упершыню згадваецца пад 968 годам, калі печанегі ў адсутнасць Святаслава аблажылі Кіеў, дзе знаходзілася княгіня Вольга з трыма ўнукамі — Яраполкам, Алегам і Уладзімірам. У 970 годзе Святаслаў дзеліць уладанні паміж сынамі — Яраполк становіцца атрымаў старэйшы сталец у Кіеве. Святаслаў Ігаравіч загінуў у 972 годзе, такім чынам Яраполк стаў старэйшым князем.

У 975 годзе па намове ваяводы Свенельда князь Яраполк захапіў Драўлянскую зямлю, уладанне брата Алега, які пры гэтым загінуў у баі пад Оўручам. Другі брат — наўгародскі князь Уладзімір, дазнаўся пра гібель Алега і ўцёк з Ноўгарада да варагаў у Швецыю, а Яраполк пасадзіў у Ноўгарадзе сваіх намеснікаў.

У 976 годзе Яраполк хадзіў супраць печанегаў і, перамогшы іх, усклаў даніну. У 977 годзе на службу да Яраполка прыйшоў печанежскі князь Ілдзея. У 977 годзе ў Кіеў прыбыло візантыйскае пасольства, пацвердзіўшы ранейшыя мірныя пагадненні Русі і Візантыі.

У 978 годзе Уладзімір вярнуўся ў Ноўгарад і абвясціў вайну Яраполку. Абодва браты сваталіся да Рагнеды, дачкі полацкага князя Рагвалода, які прыняў сватаўство Яраполка і адмовіў Уладзіміру.

Войска Уладзіміра захапіла Полацк, Рагвалод з сям’ёй забілі, а Рагнеда прымушана стаць уладзіміравай жонкай. Уладзімір аблажыў Кіеў, Яраполк выбег адтуль і закрыўся ў Родні. Ваявода Яраполка Блуд здрадзіў яго, заманіў на перамовы з Уладзімірам, дзе Яраполка забілі.

У 1044 годзе рэшткі Яраполка эксгумавалі, ахрысцілі і паклалі ў царкве Святой Багародзіцы ў Кіеве.

Зноскі

1. Ярополк I Святославич // Энциклопедический словарь — СПб.: Брокгауз — Ефрон, 1904. — Т. XLIa. — С. 816.

   <a href='https://wikidata.org/wiki/Track:Q20674988'></a><a href='https://wikidata.org/wiki/Track:Q19908137'></a><a href='https://wikidata.org/wiki/Track:Q23892996'></a><a href='https://wikidata.org/wiki/Track:Q602358'></a>
2. Ярополк Святославович // Русский биографический словарь — СПб.: 1913. — Т. 25. — С. 164–165.

   <a href='https://wikidata.org/wiki/Track:Q1960551'></a><a href='https://wikidata.org/wiki/Track:Q21175495'></a><a href='https://wikidata.org/wiki/Track:Q20674989'></a>