Яраслаў Пятровіч Мартынюк

У Вікіпедыі ёсць артыкулы пра іншых людзей з прозвішчам Мартынюк.

Яраслаў Мартынюк (нар. 20 лютага 1989, Вінніца, УССР) — украінскі футбаліст, паўабаронца харкаўскага «Металіста 1925».

Яраслаў Мартынюк
Агульная інфармацыя
Поўнае імя	Яраслаў Пятровіч Мартынюк
Нарадзіўся	20 лютага 1989(1989-02-20)[1] (36 гадоў) Вінніца, Вінніцкая вобласць, УССР, СССР
Грамадзянства	Украіна
Рост	182 см
Вага	81 кг
Пазіцыя	паўабаронца
Інфармацыя пра клуб
Клуб	Металіст 1925
Маладзёжныя клубы
2002 Ніва-Світанак (Вінніца) 7 (2) 2002—2006 ВФК-Карпаты (Львоў) 73 (23)
Клубная кар’ера[* 1]
2006—2014 Карпаты (Львоў) 52 (0) 2006—2008 →  Карпаты-2 (Львоў) 14 (2) 2013 →  Арсенал (Кіеў) 11 (1) 2015 Шахцёр (Салігорск) 15 (1) 2016 Алмалык 12 (2) 2016—2019 Эрміс (Арадыпу) 88 (15) 2019—2022 Рух (Львоў) 56 (2) 2022— Металіст 1925 (Харкаў)
Нацыянальная зборная[* 2]
2005 Украіна (да 16) 2 (0) 2006 Украіна (да 17) 7 (0) 2006—2007 Украіна (да 18) 14 (0) 2007—2008 Украіна (да 19) 16 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 16 снежня 2017
Медыяфайлы на Вікісховішчы

Клубная кар’ера

Пачаў займацца футболам у родным горадзе Вінніца. Затым вучыўся ў львоўскім вучылішчы фізічнай культуры, дзе трэнерам быў Алег Родзін.

У чэмпіянаце Украіны дэбютаваў 19 лістапада 2006 года ў матчы «Чарнаморац» — «Карпаты» (1:0), выйшаўшы на замену на 84 хвіліне. Да канца другой паловы сезона 2012/13 гуляў на правах арэнды за кіеўскі «Арсенал». Дэбютаваў у першым жа матчы вясновай часткі сезона ў гульні супраць днепрапятроўскага «Дняпра». У студзені 2015 года разарваў кантракт з «Карпатамі» і пакінуў каманду ў статусе свабоднага агента^[2].

23 лютага 2015 года пасля прагляду падпісаў кантракт з салігорскім «Шахцёрам»^[3]. Сезон 2015 распачаў асноўным апорным паўабаронцам гарнякоў, але пазней страціў месца ў складзе, стаў толькі выхадзіць на замену. Па заканчэнні сезона кантракт з паўабаронцам было вырашана не падаўжаць, і ў лістападзе 2015 года Мартынюк пакінуў «Шахцёр»^[4].

У сакавіку 2016 года далучыўся да ўзбецкага «Алмалыка», а ў ліпені 2016 года стаў іграком кіпрскага «Эрміса», дзе выступаў на працягу трох гадоў. У ліпені 2019 года вярнуўся ва Украіну, далучыўшыся да першалігавага львоўскага «Руха», якому дапамог выйсці ў Прэм’ер-лігу.

У ліпені 2022 года перайшоў у харкаўскі «Металіст 1925».

Міжнародная кар’ера

У 2005—2008 гадах выступаў за юнацкія зборныя Украіны розных узростаў. У 2008 годзе выклікаўся таксама ў моладзевую зборную Украіны, але так і не з’явіўся на полі.