Яфім Ільіч Садоўскі

У Вікіпедыі ёсць артыкулы пра іншых людзей з прозвішчам Садоўскі.

Яфім Ільіч Садоўскі (4 студзеня 1908(1908-01-04), Мінск — 13 верасня 1993(1993-09-13)) — беларускі пісьменнік, журналіст. Псеўданім Юлин, И.^[1]

Яфім Ільіч Садоўскі
Асабістыя звесткі
Дата нараджэння	4 студзеня 1908(1908-01-04)
Месца нараджэння	Мінск, Мінскі павет, Мінская губерня, Расійская імперыя
Дата смерці	13 верасня 1993(1993-09-13) (85 гадоў)
Пахаванне	Усходнія могілкі
Грамадзянства	Беларусь
Прафесійная дзейнасць
Род дзейнасці	пісьменнік, журналіст
Мова твораў	руская
Грамадская дзейнасць
Член у	Саюз беларускіх пісьменнікаў

Біяграфія

Нарадзіўся 4 студзеня 1908 года ў Мінску^[2].

Скончыў у 1927 годзе агульнаадукацыйныя курсы. Працаваў у рэдакцыях газет у Мінску. Член Саюза пісьменнікаў Беларусі з 1939 года^[3].

Памёр 13 верасня 1993 года. Пахаваны ў Мінску на Усходніх могілках^[3].

Творчасць

Друкаваўся з 1923 года^[2]. Пісаў пераважна на рускай мове. Аўтар зборнікаў вершаў «Паўстанак» (1927, з Р. Ладным), «Каралі» (1991), апавяданняў «Скрыпка і ордэн» (1935), «Я бачу» (1939), «Ясныя далі» (1951), «Жыцці і лёсы» (1962), нарысаў, брашур. Склаў зборнікі «Маякоўскі ў Беларусі» (1957), «Жыццё, аддадзенае барацьбе» (пра В. Харужую, 2-е выд. 1983), «Успаміны пра Змітрака Бядулю» (1988, з К. Цвіркам). Аўтар сцэнарыяў дакументальных фільмаў «Наваселле» (1945) і «Па малых рэках» (1947)^[2].

Творы

• Отвергнутая любовь: Рассказы. Мн., 1991.