Яўген Аляксандравіч Чарніцкі

Яўген Аляксандравіч Чарні́цкі^[1] — вучоны ў галіне біяфізікі, кандыдат фізіка-матэматычных навук (1964)^[2], доктар біялагічных навук (1974), прафесар (1989).

Яўген Аляксандравіч Чарніцкі
Дата нараджэння	26 ліпеня 1932(1932-07-26)
Месца нараджэння	Рамны, Раменскі раён, Харкаўская вобласць, УССР, СССР
Дата смерці	1 красавіка 1999(1999-04-01) (66 гадоў)
Грамадзянства	СССР  Беларусь
Род дзейнасці	біяфізік
Навуковая сфера	біяфізіка
Месца працы	Інстытут біялогіі АН БССР Беларуская дзяржаўная сельскагаспадарчая акадэмія
Навуковая ступень	доктар біялагічных навук (1974) і кандыдат фізіка-матэматычных навук (1964)
Навуковае званне	прафесар[d] (1989)
Альма-матар	БДУ (1955)
Прэміі

У Вікіпедыі ёсць артыкулы пра іншых людзей з прозвішчам Чарніцкі (значэнні).

Біяграфія

Нарадзіўся ў горадзе Рамны (сучасны адміністрацыйны цэнтр Раменскага раёна Сумскай вобласці Украіны). У 1955 годзе скончыў Беларускі дзяржаўны ўніверсітэт. З 1955 года працаваў у Беларускай сельскагаспадарчай акадэміі, з 1957 — у Інстытуце біялогіі Акадэміі навук БССР. З 1966 года Я. А. Чарніцкі ў Інстытуце фотабіялогіі АН БССР, з 1974 года — на пасадзе загадчыка кафедрай.

Навуковая дзейнасць

А. Я. Чарніцкаму належаць навуковыя працы па выкарыстанні люмінесцэнтных бялкоў, механізмах фотаразбурэння клетачных мембран, структурным стане мембран эрытрацытаў і інш. Распрацаваў люмінесцэнтныя экспрэс-метады дыягностыкі саматычных захворванняў, ме6тад фотарадыяцыйнай тэрапіі пухлін.

Сярод апублікаванага:

• Кооперативные переходы белков в клетке / С. В. Конев, С. Л. Аксенцев, Е. А. Черницкий. — Мн.: Наука и техника, 1970.
• Люминесценция и структурная лабильность белков в растворе и клетке. — Мн., 1972.
• Структура и функции эритроцитарных мембран / Е. А. Черницкий, А. В. Воробей ; Академия наук Белорусской ССР, Институт фотобиологии. — Мн.: Наука и техника, 1981. — 215 с.
• Спектральный люминесцентный анализ в медицине / Е. А. Черницкий, К. И. Слобожанина ; Академия наук Белорусской ССР, Институт фотобиологии. — Мн.: Наука и техника, 1989. — 141 с. : ил. — ISBN 5-343-00119-Х

Узнагароды

Лаўрэат Дзяржаўнай прэміі Рэспублікі Беларусь (1992, у аўтарскім калектыве) — за цыкл прац па люмінесцэнцыі бялкоў і яе выкарыстанні ў навуковых даследаваннях і практыцы, апублікаваных у 1956—1991 гадах.

Зноскі

1. БелЭн 2003.
2. Черницкий, Евгений Александрович (кандидат физико-математических наук; доктор биологических наук ; 1932—1999)(недаступная спасылка) (руск.)