Сумская вобласць

Су́мская во́бласць^[1] (укр.: Сумська́ о́бласть) — адміністрацыйна-тэрытарыяльная адзінка ва Украіне. Плошча вобласці складае 23,834 тыс. км². Насельніцтва — 1,226 млн чалавек (2006). Адміністрацыйны цэнтр — горад Сумы.

Сумская вобласць
Сумська область
Сцяг[d] Герб[d]
Краіна	Украіна
Уваходзіць у	Украіна (1991—?)
Адміністрацыйны цэнтр	Сумы
Дата ўтварэння	10 студзеня 1939
Кіраўнік	Мікола Клачко[d]
Афіцыйная мова	украінская
Насельніцтва (2006)	1,211 млн. (18-е месца)
Шчыльнасць	51,45 чал./км²
Плошча	23,834 тыс.
Вышыня над узроўнем мора  • Найвышэйшы пункт	246 м
Часавы пояс	UTC+2, UTC+03:00 і DAZD
Код ISO 3166-2	UA-59
Тэлефонны код	542
Паштовыя індэксы	40000–40999, 41000–41999 і 42000–42999
Код аўтам. нумароў	BM
Афіцыйны сайт
Медыяфайлы на Вікісховішчы

У складзе вобласці 51 тэрытарыяльная грамада^[2].

Геаграфія

Большая частка вобласці знаходзіцца ў межах Прыдняпроўскай нізіны, крайняя паўночная частка — у межах Палескай нізіны, на ўсходзе і паўночным усходзе — адгор’і Сярэднярускага ўзвышша. Паверхня ўяўляе сабой хвалістую раўніну, падзеленую шырокімі далінамі рэк, ярамі і бэлькамі. Максімальная вышыня 226 м. Клімат умерана кантынентальны. Зіма халодная, лета ўмерана спякотнае. Сярэдняя тэмпература студзеня ад −7,9 °C на поўначы да −7,1 ° С на паўднёвым захадзе, ліпеня ад 18,4 °C на поўначы да 19,9 °C на паўднёвым усходзе. Ападкаў 550—600 мм на поўначы і 450 мм на поўдні ў год (максімум летам). Працягласць вегетацыйнага перыяду (з тэмпературай вышэй за 10 ° С) 144—161 сут. Рэкі належаць басейну Дняпра і пераважна з’яўляюцца яго левымі прытокамі. Найбольш значныя з іх — Дзясна з Сеймам, Сула, Псёл, Ворскла. У далінах рэк — азёры-старыцы і балоты; ёсць шмат штучных сажалак. У паўднёвай лесастэпавай частцы пераважаюць чарназёмныя глебы (малагумусавыя тыповыя лёгка-і сярэднесугліністыя і ападзоленныя чарназёмы), у паўночнай палескай — дзярнова-падзолістыя. Пад лясамі і хмызнякамі занята 17 % тэрыторыі, у паўночных раёнах пераважаюць змяшаныя лясы (сасна, бяроза, дуб), у цэнтральным і паўднёвым раёнах — астраўныя лясы (пераважна з ліпы, клёна, ясеня; сустракаюцца дубовыя гаі).

Насельніцтва

• 1987 год — 1427 тыс. чал.^[3]
• 1991 год — 1430 тыс. чал.^[4]
• 1999 год — 1349 тыс. чал.^[5]

Вядомыя асобы

• Давід Бурлюк (1882—1967) — паэт, мастак, адзін з заснавальнікаў расійскага футурызму.
• Клімент Васілевіч Квітка (1880—1953) — украінскі музыказнаўца-фалькларыст.
• Леў Яфімавіч Кербель (1917—2003) — савецкі і расійскі скульптар. Народны мастак СССР (1977).
• Рыгор Пятровіч Піўтарак (нар. 1935) — украінскі мовазнаўца, доктар філалагічных навук (1990), прафесар (1992), акадэмік НАН Украіны (2009).
• Алекс Юшчанка (1917—2008) — паэт, Заслужаны работнік культуры Беларускай ССР (1980).

Адміністрацыйны падзел

• Канатопскі раён
• Ахтырскі раён
• Раменскі раён
• Сумскі раён
• Шосткінскі раён

Зноскі

1. Націск паводле БЭ у 18 т. — Т. 15, С. 268.
2. Уряд визначив адміністративні центри та затвердив території громад усіх областей
3. ГЭС 1989.
4. ЭГС 2011.
5. БелЭн 2002.