Яўген Генадзевіч Панамарэнка

У Вікіпедыі ёсць артыкулы пра іншых людзей з прозвішчам Панамарэнка.

Яўген Генадзевіч Панамарэнка (нар. 18 студзеня 1981, Бабруйск, Магілёўская вобласць, БССР) — беларускі вучоны ў галіне энергетыкі. Кандыдат тэхнічных навук (2010), дацэнт (2012).

Яўген Генадзевіч Панамарэнка
Дата нараджэння	18 студзеня 1981(1981-01-18) (44 гады)
Месца нараджэння	Бабруйск, Магілёўская вобласць, Беларуская ССР, СССР
Грамадзянства	Беларусь
Род дзейнасці	навуковец
Месца працы	БНТУ
Навуковая ступень	кандыдат тэхнічных навук
Навуковае званне	дацэнт
Альма-матар	БНТУ (2003)

Біяграфія

У 1998 годзе скончыў СШ № 22 горада Бабруйска, потым у 2003 годзе — Беларускі нацыянальны тэхнічны ўніверсітэт па спецыяльнасці «Электрычныя станцыі».

З 2003 па 2006 год навучаўся ў аспірантуры БНТУ. У той жа час сумяшчаў навуковую і педагагічную дзейнасць на кафедры «Электрычныя станцыі».

З 2006 года — асістэнт кафедры «Электрычныя станцыі», з 2009 года — старэйшы выкладчык кафедры, з 2010 года — дацэнт.

У 2010 годзе абараніў дысертацыю на суісканне навуковай ступені кандыдата тэхнічных навук.

У 2012 годзе было прысвоена навуковае званне дацэнта па спецыяльнасці «Электраэнергетыка».

У 2014—2017 гадах — намеснік дэкана энергетычнага факультэта.

У 2017—2018 гадах — навуковы сакратар філіяла БНТУ «Навукова-даследчы політэхнічны інстытут».

З 5 снежня 2018 года — дэкан энергетычнага факультэта БНТУ.

Навуковая дзейнасць

З’яўляецца аўтарам больш за сем дзясяткаў друкаваных прац, у тым ліку трох навучальных і навучальна-метадычных дапаможнікаў.

Спасылкі

• BNTU.BY — Персоналии Пономаренко Евгений Геннадьевич