Яўген Канстанцінавіч Сантрапінскіх

Яўген Сантрапінскіх (нар. 21 кастрычніка 1987, Ільічоўск (цяпер Чарнаморск), Адэская вобласць, УССР) — украінскі футбаліст, паўабаронца клуба «Бэрэзынэ».

Яўген Сантрапінскіх
Поўнае імя	Яўген Канстанцінавіч Сантрапінскіх
Нарадзіўся	21 кастрычніка 1987(1987-10-21)[1][2] (37 гадоў) Ільічоўск, Адэская вобласць, УССР, СССР
Грамадзянства	Украіна
Рост	174 см
Вага	66 кг
Пазіцыя	паўабаронца
Інфармацыя пра клуб
Клуб	Бэрэзынэ
Маладзёжныя клубы
2000—2002 Ільічовец (Ільічоўск) 15 (3) 2002 Лакаматыў (Харкаў) 2 (0) 2003—2005 Ільічовец (Ільічоўск) 38 (38)
Клубная кар’ера[* 1]
2005—2009 Металург (Запарожжа) 7 (1) 2005—2006 →  Металург-2 (Запарожжа) 15 (1) 2009—2010 Бастыён (Ільічоўск) 19 (10) 2010—2013 Букавіна (Чарнаўцы) 89 (13) 2014 Таўрыя (Сімферопаль) 8 (0) 2014 Нафтан (Наваполацк) 13 (1) 2015 Сталь (Днепрадзяржынск) 11 (0) 2015—2016 Гарняк (Крывы Рог) 18 (0) 2016 Мікалаеў 0 (0) 2017 Сумы 3 (0) 2017—2018 ТСК-Таўрыя (Сімферопаль) 14 (2) 2018—2019 Гарняк (Крывы Рог) 19 (2) 2019—2020 Букавіна (Чарнаўцы) 18 (1) 2020 Чарнаморск 2021— Бэрэзынэ
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 верасня 2021.

Клубная кар’ера

Пачынаў кар’еру ў родным горадзе Ільічоўску. З 2005 года выступаў за дубль запарожскага «Металурга», за аснову гэтага клуба згуляў усяго ў 7 матчах. Сезон 2009/10 зноў правёў у Ільічоўску, а пасля на працягу трох сезонаў выступаў у Першай лізе за «Букавіну». У першай палове 2014 выступаў за сімферопальскую «Таўрыю», якая па заканчэнні чэмпіянату ў маі 2014 года спыніла існаванне.

У ліпені года 2014 праходзіў прагляд у салігорскім «Шахцёры», але ў выніку ў жніўні 2014 года далучыўся да наваполацкага «Нафтана»^[3][4]. У складзе наваполацкага клуба ў сезоне 2014 пераважна выхадзіў на замену. У студзені 2015 года пакінуў «Нафтан»^[5].

У сакавіку 2015 года перайшоў у клуб украінскай Першай лігі — днепрадзяржынскую «Сталь»^[6]. Пазней гуляў за іншыя клуба Першай лігі — «Гарняк», «Мікалаеў» і «Сумы». У жніўні 2017 года стаў іграком сімферопальскай «ТСК-Таўрыі». У пачатку 2018 года пакінуў крымскую каманду, і ў жніўні 2018 года зноў далучыўся да «Гарняка», які ўжо стаў выступаць у Другой лізе.

У ліпені 2019 года перайшоў у чарнавіцкую «Букавіну». У 2020 годзе перастаў трапляць у склад каманды і ў красавіку пакінуў клуб, пасля чаго стаў выступаць у чэмпіянаце Адэскай вобласці за «Чарнаморск» і «Бэрэзынэ».