Яўген Пятровіч Шабан

Яўге́н Пятро́віч Шаба́н (29 снежня 1936, вёска Калодзіна, Віленскае ваяводства, Польская Рэспубліка — 30 ліпеня 1982, Віцебск, БССР, СССР, пахаваны на Паўночных могілках у Мінску) — беларускі драматург, паэт, акцёр, рэжысёр.

Яўген Пятровіч Шабан
Асабістыя звесткі
Дата нараджэння	29 снежня 1936(1936-12-29)
Месца нараджэння	Калодзіна, гміна Кабыльнік[d], Пастаўскі павет, Віленскае ваяводства, Польская Рэспубліка
Дата смерці	30 ліпеня 1982(1982-07-30) (45 гадоў)
Месца смерці	Віцебск, Віцебская вобласць, Беларуская ССР, СССР
Пахаванне	Паўночныя могілкі
Грамадзянства	СССР  Беларусь
Альма-матар	Беларуская дзяржаўная акадэмія мастацтваў
Месца працы	Нацыянальны акадэмічны драматычны тэатр імя Якуба Коласа Нацыянальны акадэмічны тэатр імя Янкі Купалы
Прафесійная дзейнасць
Род дзейнасці	драматург, паэт, рэжысёр, акцёр
Мова твораў	беларуская

У Вікіпедыі ёсць артыкулы пра іншых людзей з прозвішчам Шабан.

Біяграфія

Нарадзіўся 29 снежня 1936 года ў в. Калодзіна Віленскага ваяводства Польскай Рэспублікі ў сялянскай сям'і.

Скончыў акцёрскі факультэт Беларускага дзяржаўнага тэатральна-мастацкага інстытута (1958). Працаваў акцёрам, загадчыкам літаратурнай часткі Беларускага дзяржаўнага тэатра імя Я.Коласа ў Віцебску (1958—1965), рэжысёрам студыі Беларускага тэлебачання (1965—1976). У 1976—1980 гг. — загадчык літаратурнай часткі Беларускага дзяржаўнага акадэмічнага тэатра імя Я.Купалы.

Памёр 30 ліпеня 1982 года ў Віцебску.

Творчасць

Літаратурную працу пачаў у 1960 годзе. Выдаў зборнікі вершаў «Нарачанка» (1969), «Чырвоныя сумёты» (1977). Аўтар п'ес «Ракіроўка» (1975), «Прад'явіце пропуск» (1975), «Сіні снег» (пастаўлена ў 1975), «Шрамы» (апублікавана і пастаўлена ў 1977), «Чалавек з легенды» (з І.Ражковым, апублікавана і пастаўлена ў 1978), «Востраў Алены» (апублікавана і пастаўлена ў 1982), лібрэта тэлеоперы «Ранак» (пастаўлена ў 1968), сцэнарыя тэлефільма «І смех, і бяда» (пастаўлены ў 1973), тэлеспектакля «Вячэра» (пастаўлены ў 1980).

Зноскі