9-я Навасёлкавая вуліца (Гомель)

9-я Навасёлкавая вуліца — вуліца ў Чыгуначным раёне горада Гомеля. Адносіцца да жылога масіву Прудок. Праходзіць ад вуліцы Праезджая да вуліцы Каменшчыкава, часткова — уздоўж вяслярскага канала і рынку «Прудкоўскі». На яе выходзіць вуліца Рыднага^[1]. Складаецца з індывідуальнай забудовы пераважна сядзібнага тыпу. З'яўляецца аднабаковай вуліцай, за выключэннем прыпісаных да яе будынкаў дзіцяча-юнацкай спартыўнай школы «Дэльфін»^[2].

9-я Навасёлкавая Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Чыгуначны раён
Гістарычны раён	Прудок
Працягласць	≈394 м.
Пакрыццё	асфальт
Паштовы індэкс	246015
Медыяфайлы на Вікісховішчы

Узнікла ў 1960-я гг. на былых саўгасных землях^[3]. Як і іншыя прудкоўскія вуліцы з гэтага шэрагу, пачаткова мела форму «Навасялкоўская» («Новоселковская») з адпаведным нумарам (1961 г.)^[4]. Сярод жыхароў Прудка бытуе яшчэ адна форма — «Навасялковая».

Зноскі

1. Гомель. Атлас туриста. / Справоч. изд. Ред. Ю. М. Нестеровская. — Минск : РУП «Белкартография», 2019. — С. 15.
2. Учреждение «Гомельская СДЮШОР "Дельфин"».
3. Рогалев, А. Ф. Гомель. Страницы истории, формирование улиц, местные тайны и загадки / А. Ф. Рогалев. — Гомель : Барк, 2014. — С. 188.
4. Схематический план. Гор. Гомель. [Карты] / Главное управление коммунального хозяйства при СМ БССР. Бюро технической инвентаризации — [Б. м. : б. и.], 1961.