ASIMO

Asimo (скарачэнне ад Advanced Step in Innovative MObility) — робат-андроід. Створаны карпарацыяй Хонда, у Цэнтры фундаментальных тэхнічных даследаванняў Вако (Японія). Назва робата з'яўляецца адсылкай да пісьменніка Айзека Азімава (англ.: Isaac Asimov).^[1]

Першая мадэль ASIMO з’явілася на свет у 2000 годзе. Новае пакаленне (з’явілася ў 2011) — ужо шостае па ліку.

На 2009 год у свеце існавала 100 асобнікаў Asimo.^[2] Кошт вытворчасці кожнага з іх не перавышае адзін мільён долараў, а некаторых робатаў можна нават ўзяць у арэнду, у год за $166 тысяч (каля $14.000 у месяц).

У ліпені 2018 года Honda заявіла, што спыніць распрацоўку і вытворчасць ASIMO, каб засяродзіцца на больш практычных прадуктах з выкарыстаннем распрацаваных тэхналогій.^[3] Апошні раз ASIMO з'явіўся на публіцы ў сакавіку 2022 года.^[4]