Alphabet Inc.

Alphabet Inc. — амерыканскі транснацыянальны тэхналагічны холдынг са штаб-кватэрай у Каліфорніі (ЗША). Уваходзіць у Вялікую пяцёрку амерыканскіх тэхналагічных карпарацый разам з Amazon, Apple, Meta і Microsoft. З’яўляецца трэцяй у свеце тэхналагічнай кампаніяй па даходах пасля Amazon і Apple і адной з самых каштоўных кампаній у свеце.^[4][5] Alphabet была створана для рэструктурызацыі Google у 2015 годзе і стала мацярынскай кампаніяй для Google і некалькіх яе былых даччыных кампаній.

Alphabet Inc.
Тып	холдынг, публічная кампанія, бізнес і арганізацыя
Лістынг на біржы	NASDAQ: GOOG
Заснаванне	2 кастрычніка 2015
Заснавальнікі	Лары Пейдж і Сяргей Міхайлавіч Брын
Краіна	ЗША
Адрас	Маўнтын-В’ю
Галіна	IT
Уласны капітал	▲256 млрд $ (31 снежня 2022)[1]
Абарот	▲350 млрд $ (2024)[2]
Аперацыйны прыбытак	▲112 млрд $ (2024)[2]
Чысты прыбытак	▲100 млрд $ (2024)[2]
Актывы	▲365 млрд $ (31 снежня 2022)[1]
Капіталізацыя	▲1,96 трлн $ (1 мая 2025)[3]
Колькасць супрацоўнікаў	▲190 234 чал. (31 снежня 2022)[1]
Дэвіз	do the right thing
Даччыныя кампаніі	Google, X Development[d], GV[d], Calico[d], Google Nest[d], Google Fiber[d], Google Ireland Holdings Unlimited Company[d], Loon[d], Wing[d], Owlchemy Labs[d], Waymo[d], Waymo Holding[d] і XXVI Holdings[d]
Сайт	abc.xyz (англ.)

Мэтай стварэння Alphabet Inc. было названа жаданне зрабіць асноўны бізнес Google больш справаздачным і дазволіць большую аўтаномію даччыным кампаніям.^[6] Усе акцыі Google на Nasdaq былі аўтаматычна заменены на роўную колькасць акцый Alphabet, яны працягнулі гандлявацца пад тыкерамі GOOGL і GOOG.

Гісторыя

Стварэнне Alphabet было абвешчана 10 жніўня 2015 года^[7]. Узначалілі холдынг сузаснавальнікі Google Лары Пейдж і Сяргей Брын. Планавалася, што да канца 2015 года холдынг Alphabet прыйдзе на змену Google, а апошні ўвойдзе ў яго ў якасці складовай часткі. Таксама планавалася, што падчас рэструктурызацыі з Google выйдуць усе падраздзяленні, не звязаныя непасрэдна з інтэрнэт-бізнесам^[8]. Кампанія была афіцыйна створана 2 кастрычніка 2015 года.

Лары Пэйдж і Сяргей Брын абвясцілі аб сваёй адстаўцы з кіруючых пасад у снежні 2019 года, пасаду генеральнага дырэктара заняў Сундар Пічаі, які таксама з’яўляецца генеральным дырэктарам Google. Пэйдж і Брын засталіся супрацоўнікамі, членамі савета дырэктараў і кантрольнымі акцыянерамі Alphabet Inc.

Структура

У склад Alphabet Inc. уваходзяць такія кампаніі як:^[9]

Кампанія	Дзейнасць
Calico	Біятэхналогіі, даследаванні працэсаў старэння
CapitalG	Прыватны фонд для фінансавання тэхналагічных кампаній
Google	Інтэрнет-сэрвісы, найвялікшая даччыная кампанія
Google Fiber	Інтэрнет-правайдар
GV	Венчурны інвестар для тэхналагічных кампаній
Isomorphic Labs	Распрацоўка лекаў
Mineral	Сучасная сельская гаспадарка
Verily Life Sciences	Медыцынскія тэхналогіі
Waymo	Беспілотныя аўтамабілі
Wing	Дастаўка грузаў беспілотнікамі
X Development	Даследаванне і распрацоўка новых тэхналогій

Зноскі

1. annual report

   <a href='https://wikidata.org/wiki/Track:Q699735'></a>
2. Form 10-K — 2025.

   <a href='https://wikidata.org/wiki/Track:Q5469880'></a>
3. https://finance.yahoo.com/quote/GOOG/
4. Top 50 Global Technology Companies. Fortune Global 500. Архівавана з арыгінала January 26, 2017. Праверана June 4, 2019.
5. Alphabet. Forbes. Архівавана з арыгінала August 24, 2022. Праверана June 6, 2011.
6. Metz, Cade (August 10, 2015). A New Company Called Alphabet Now Owns Google. Wired. Архівавана з арыгінала November 22, 2017. Праверана August 13, 2015.
7. CURRENT REPORT Form 8-K, Google, SEC, August 10, 2015: "On August 10, 2015, Google Inc. («Google») announced plans to create a new public holding company, Alphabet Inc. («Alphabet»), "
8. Панфилов, Константин. Google войдёт в холдинг Alphabet и получит нового руководителя — Сундара Пичаи (руск.)(недаступная спасылка). Цукерберг позвонит (10 августа 2015). Архівавана з першакрыніцы 12 жніўня 2015. Праверана 11 August 2015.
9. Hartmans, Avery. All the companies and divisions under Google's parent company, Alphabet (нявызн.). Business Insider. Архівавана з першакрыніцы May 1, 2019. Праверана May 1, 2019.