Amazon.com
амерыканская транснацыянальная кампанія From Wikipedia, the free encyclopedia
Remove ads
Amazon.com, Inc. (прамаўляецца Амазон ком інкарпарэйтэд) — амерыканская транснацыянальная кампанія, якая спецыялізуецца на электроннай камерцыі, воблачных вылічэннях, інтэрнэт-рэкламе, лічбавай трансляцыі і штучным інтэлекце. Штаб-кватэра кампаніі размешчана ў Сіэтле.
Amazon — гэта адзін з першых інтэрнэт-сэрвісаў, арыентаваных на продаж тавараў масавага попыту. Першапачаткова гэта была кніжная інтэрнэт-крама, але пазней Amazon перайшоў да продажу мноства катэгорый тавараў, і гэтая стратэгія прынесла яму мянушку Крама ўсяго. Amazon мае некалькі даччыных кампаній з рознымі напрамкамі бізнесу, сярод іх Amazon Web Services з паслугамі воблачных вылічэнняў, Ring, якая распрацоўвае разумныя дзвярныя званкі, і Twitch з паслугай прамой трансляцыі камп’ютарных гульняў.
Станам на 2023 год кампанія прадстаўляе найбуйнейшыя ў свеце сэрвісы інтэрнэт-гандлю, воблачных вылічэнняў[6] і прамой трансляцыі. Amazon з’яўляецца найбуйнейшай у свеце інтэрнэт-кампаніяй па даходах і долі рынку,[7][8] другім па велічыні прыватным працадаўцам у Злучаных Штатах і адной з самых каштоўных кампаній у свеце.[9]
Amazon распаўсюджвае разнастайны кантэнт праз свае даччыныя кампаніі Amazon Prime Video, Amazon Music, Twitch і Audible. Таксама публікуе кнігі праз выдавецтва Amazon Publishing, стварае фільмы і тэлевізійны кантэнт праз Amazon Studios і з’яўляецца ўладальнікам кіна- і тэлестудыі Metro-Goldwyn-Mayer з сакавіка 2022 г. Amazon таксама вырабляе спажывецкую электроніку, а менавіта электронныя кнігі Kindle, разумныя калонкі Echo, планшэты і тэлевізары Fire.
Amazon уваходзіць у Вялікую пяцёрку амерыканскіх тэхналагічных карпарацый разам з Alphabet, Apple, Meta і Microsoft.
Remove ads
Гісторыя
Amazon.com быў створаны ў 1994 годзе амерыканскім прадпрымальнікам Джэфам Безасам, у 1995 годзе магазін пачаў анлайнавы гандаль кнігамі. У чэрвені 1998 года магазін пачынае прадаваць музычныя запісы, а ў лістападзе таго ж года — відэапрадукцыю.
У 2015 годзе рынкавая капіталізацыя Amazon перавысіла капіталізацыю Walmart у рознічным гандлі ў Злучаных Штатах[10].
У 2018 годзе яго двухдзённы сэрвіс дастаўкі Amazon Prime перасягнуў 100 мільёнаў абанентаў па ўсім свеце[11].
Remove ads
Даччыныя кампаніі
Amazon валодае больш чым 40 даччынымі кампаніямі, у тым ліку Amazon Web Services, Amazon Music, Amazon Prime Video, Audible, Diapers.com, Goodreads, IMDb, Kuiper Systems, Ring, Twitch, Zappos і Zoox.[12]
Amazon Web Services
Кампанія Amazon Web Services (AWS) прадастаўляе платформы воблачных вылічэнняў прыватным асобам, кампаніям і ўрадам з аплатай па меры выкарыстання. Станам на 4 квартал 2021 года AWS займала 33 % рынку воблачнай інфраструктуры, яе канкурэнты Microsoft Azure і Google Cloud мелі 21 % і 10 % адпаведна.[13]
Ring
Кампанія Ring вядомая сваімі разумнымі дзвярнымі званкамі з падлучэннем да Wi-Fi, аднак таксама вырабляе іншыя прылады, напрыклад камеры бяспекі. У 2018 годзе Amazon купіў Ring за 1 мільярд долараў.[14]
Twitch
Twich — гэта амерыканскі сэрвіс прамой трансляцыі відэа, які засяроджваецца на прамой трансляцыі відэагульняў і спаборніцтваў па кіберспорце. Станам на кастрычнік 2013 года на сайце было 45 мільёнаў унікальных гледачоў.[15] Twitch быў набыты Amazon у жніўні 2014 года за 970 мільёнаў долараў.[16] У 2015 годзе ў Twitch было больш за 100 мільёнаў гледачоў у месяц.[17]
Remove ads
Зноскі
- http://www.imdb.com/pressroom/ Праверана 27 снежня 2017.
- Microsoft Cloud Revenues Leap; Amazon is Still Way Out in Front (англ.). srgresearch.com. Reno, Nevada: Synergy Research Group.
- Jopson, Barney. Amazon urges California referendum on online tax (англ.). Financial Times (12 ліпеня 2011). Праверана 09-04-2023.
- Amazon Jobs – Work for a Subsidiary (англ.)(недаступная спасылка). Архівавана з першакрыніцы August 1, 2014. Праверана October 27, 2014.
- Panettieri, Joe. Cloud Market Share 2020: Amazon AWS, Microsoft Azure, Google, IBM (англ.) . ChannelE2E (3 жніўня 2020). Праверана October 12, 2020.
- Montag, Ali. Amazon buys Ring, a former 'Shark Tank' reject (англ.). CNBC (27 лютага 2018). Праверана February 20, 2019.
- Ewalt, David M. (December 2, 2013). "The ESPN of Videogames". Forbes(англ.). Архівавана з арыгінала August 3, 2017. Праверана September 17, 2017.
- Welch, Chris. Amazon, not Google, is buying Twitch for $970 million (англ.). The Verge (25 жніўня 2014). Праверана August 8, 2017.
- Sarah Needleman. Twitch's Viewers Reach 100 Million a Month (англ.)(недаступная спасылка). The Wall Street Journal (29 студзеня 2015). Архівавана з першакрыніцы August 9, 2017. Праверана August 4, 2017.
Літаратура
Спасылкі
Wikiwand - on
Seamless Wikipedia browsing. On steroids.
Remove ads