Батрыдыум зярністы

Батры́дыум зярністы (Botrydium granulatum) — від аднаклетачных жоўта-зялёных водарасцей сямейства батрыдыевых.

Батрыдыум зярністы
Жыццёвы цыкл
Навуковая класіфікацыя
Дамен:  Эўкарыёты Царства:  Храмісты Тып:  Ochrophyta Клас:  Жоўта-зялёныя водарасці Парадак:  Botrydiales Сямейства:  Батрыдыевыя Род:  Батрыдыум Від:  Батрыдыум зярністы
Міжнародная навуковая назва
Botrydium granulatum
Выявы на Вікісховішчы ITIS   2118 NCBI   73013

Апісанне

Звычайна ўтварае жоўта-зялёныя зараснікі на глініста-глеістых адкладах берагоў розных вадаёмаў, на дне сажалак, якія падсыхаюць, па вільготных, багатых пажыўнымі рэчывамі глебах з павышанай колькасцю вапны. Надземная частка талома шара-, груша- або булавападобнай формы, з пасценнымі пласціністымі ці дыскападобнымі хларапластамі, ядрамі, кроплямі алею і іншымі ўключэннямі, паступова пераходзіць у падземную частку — дыхатамічна разгалінаваныя бясколерныя рызоіды. Размнажаецца зааспорамі, зрэдку аўта- і апланаспорамі. Пры неспрыяльных умовах утвараюцца рызацысты (спарацысты, размешчаныя у рызоідах).

Літаратура

• Міхеева Т. Батрыдыум // Энцыклапедыя прыроды Беларусі. У 5 т. Т. 1. — Мн.: БелСЭ, 1983.