Жоўта-зялёныя водарасці

Жоўта-зялёныя водарасці, рознажгуцікавыя водарасці (Xanthophyceae) — аддзел водарасцей.

Жоўта-зялёныя водарасці
Botrydium granulatum
Навуковая класіфікацыя
Дамен:  Эўкарыёты Царства:  Храмісты Тып:  Ochrophyta Клас:  Жоўта-зялёныя водарасці
Міжнародная навуковая назва
Xanthophyceae P.Allorge ex Fritsch, 1935
Парадкі[1]
Botrydiales Chloramoebales Heterogloeales Mischococcales Rhizochloridales Tribonematales Vaucheriales Без парадку Phyllosiphonaceae Pseudochloridaceae Xanthonemataceae
Сістэматыка на Віківідах Выявы на Вікісховішчы ITIS   1882 NCBI   2833 EOL   2486996 FW   306703

Апісанне

Аднаклетачныя, шматклетачныя, радзей каланіяльныя і цэнабіяльныя арганізмы разнастайнай формы. Рухомыя, плаваюць пасіўна або прымацаваныя. Колер ад светла- да цёмна-жоўта-зялёнага, рэдка зялёны або блакітны з-за наяўнасці ў хларапластах, акрамя хларафілу, вялікай колькасці жоўтых пігментаў (ксантафілы, караціны). Клеткі адна-, радзей шматядравыя з абалонкай, радзей голыя. Крухмал, як запасное рэчыва, адсутнічае (характэрная прыкмета). Жыўленне пераважна аўтатрофнае. Размнажэнне вегетатыўнае, бясполае (зааспорамі, аўтаспорамі і інш.), рэдка полавае (іза- і аагамія). Аднаклетачныя рухомыя віды і зааспоры маюць два жгуцікі рознай даўжыні (адсюль другая назва).

Пашырэнне

Вядома каля 560 відаў і ўнутрывідавых таксонаў. Пашыраны па ўсім зямным шары пераважна ў прэсных, некаторыя — у салёных вадаёмах і глебе. Планктонныя арганізмы, радзей бентасныя. На Беларусі адзначана больш за 50 відаў з 22 родаў: арахнахлорыс (Arachnochloris), афіяцытыум (Ophiocytium), батрыдыум (Botrydium), батрыдыёпсіс (Botrydiopsis), вашэрыя (Vaucheria), гетэротрыкс (Heterothrix), гетэракокус (Heterococcus), манодус (Monodus), плеўрахлорыс (Pleurochloris), трыбанема (Tribonema), тэтраэдрыела (Tetraedriela), харацыёпсіс (Characiopsis) і інш.

Зноскі

1. Паводле EOL. Гл. картку.