Dungeons & Dragons

Dungeons & Dragons (бел.: Падзямеллі і драконы, скарачаецца да D&D або DnD) — настольная ролевая гульня ў стылі фэнтэзі, па часе выдання першая ролевая гульня ў свеце.

Упершыню D&D былі выпушчаны ў студзені 1974 года кампаніяй TSR, Inc. З тых часоў гульня перажыла мноства перавыданняў і некалькі рэдакцый правіл. У цяперашні час гэта самая папулярная настольная ролевая гульня ў свеце. У 2008 годзе была выпушчана версія Dungeons & Dragons 4. Апошняя рэдакцыя правіл выйшла ў 2014 годзе і завецца Dungeons & Dragons 5. Гульня выпускаецца кампаніяй Wizards of the Coast.

Гісторыя

Ролевая гульня Dungeons & Dragons была распрацавана Гэры Гайгаксам і Дэйвам Арнесанам у пачатку 1970-х на аснове правіл ваенна-тактычнай гульні Chainmail (адным са стваральнікаў якой быў той жа самы Гайгакс). На правілы Dungeons & Dragons аказалі ўплыў настольныя стратэгічныя гульні 1950-60-х гадоў, галоўным чынам ваенна-тактычныя гульні з мініяцюрамі, у якіх асобныя баявыя адзінкі адлюстроўваліся на стале пры дапамозе фігурак.

Прысутнасць халфлінгаў, эльфаў, гномаў, оркаў, драконаў і іншых фэнтэзійных істот дае магчымасць параўноўваць свет D & D з працамі Дж. Р. Р. Толкіна, хоць Гайгакс і сцвярджаў, што ўплыў «Уладара пярсцёнкаў» быў мінімальным, а выкарыстанне элементаў з трылогіі — маркетынгавым ходам. На сюжэтную аснову перавыдадзеных правіл 1977 года аказала ўплыў творчасць такіх фантастаў, як Роберт Говард, Эдгар Бэраўз, Майкл Муркак, Роджэр Жэлязны, Пол Андэрсан, Лаян Спрэг дэ Камп, Абрахам Мэры і іншых.

Гл. таксама

• юань-ці

Гісторыя версій

Гісторыя версій Dungeons & Dragons

1974	Dungeons & Dragons—original edition
1977	Advanced Dungeons & Dragons—1st Edition	Dungeons & Dragons—Holmes Basic
1981		Dungeons & Dragons—BX version / Moldvay Basic
1983		Dungeons & Dragons—BECMI version / Mentzer Basic
1989	Advanced Dungeons & Dragons 2nd Edition
1991		Dungeons & Dragons—Rules Cyclopedia version
1995	Advanced Dungeons & Dragons 2nd Edition—Revised
2000	Dungeons & Dragons—3rd Edition
2003	Dungeons & Dragons— 3rd Edition Revised (v.3.5)
2008	Dungeons & Dragons—4th Edition
2010		Dungeons & Dragons Essentials (compatible with 4th Ed.)
2014	Dungeons & Dragons—5th Edition

Спасылкі

• Сайт Dungeons & Dragons Архівавана 22 снежня 2020.