Europa Jupiter System Mission

Europa Jupiter System Mission (EJSM, рабочая назва: Laplace) — беспілотная касмічная праграма NASA/ESA/Раскосмас, якая запланавана на 2020 год па даследаванні спадарожнікаў Юпітэра — Еўропы і Ганімеда, а таксама магнітасферы самога Юпітэра. У лютым 2009 года NASA/ESA было абвешчана, што місія EJSM будзе праходзіць перад місіяй Titan Saturn System Mission (TSSM)^[1][2].

Місія EJSM ў прадстаўленні мастака

Склад місіі

Карта, на якой прадстаўлены краіны-ўдзельнікі праграмы

Адметнай асаблівасцю місіі з’яўляецца тое, што колькасць апаратаў, якія будуць запушчаны, вар’іруецца ад двух да чатырох.

•  ЗША NASA: «Jupiter Europa Orbiter» (JEO), запланаванае даследаванне Еўропы і Іо.
•  Еўрапейскі Саюз ESA: «Jupiter Ganymede Orbiter» (JGO), запланаванае даследаванне Ганімеда і Каліста
•  Японія JAXA: «Jupiter Magnetospheric Orbiter» (JMO), запланаванае даследаванне магнітасферы Юпітэра.
•  Расія Раскосмас: «Jupiter Europa Lander» (JEL), запланаваная пасадка касмічнага апарата на Еўропу для правядзення даследаванняў.

Мэты місіі

Асноўныя задачы місіі EJSM разбітыя на 2 праграмы: JEO (Даследаванне Еўропы і Іо) і JGO (Даследаванне Ганімеда і Каліста):

• Кантроль і даследаванне дынамічных з’яў, звязаных з вулканамі на Іо і атмасферай Юпітэра.
• Складанне карты магнітасферы Юпітэра.
• Даследаванне працэсаў ўзаемадзеяння магнітасферы Юпітэра з галілеевымі спадарожнікамі.

Яшчэ адной мэтай місіі з’яўляецца вывучэнне магчымасці зараджэння жыцця ў планетарнай сістэме Юпітэра:^[3]

• Пошук і даследаванне падпаверхневых акіянаў.
• Пошук і даследаванне ледзяных шэльфаў і падпаверхнеаых водаў.
• Глыбокае даследаванне ўнутранай структуры Ганімеда, а таксама магнітных палёў.
• Вызначэнне хімічнага складу паверхняў спадарожнікаў.
• Даследаванне асаблівасцей павярхоўнага рэльефу і складанне задач для далейшых даследаванняў.