Эдвард Лі Грын

У Вікіпедыі ёсць артыкулы пра іншых людзей з прозвішчам Грын.

Эдвард Лі Грын (англ.: Edward Lee Greene, 1843—1915) — амерыканскі батанік, сістэматык і збіральнік раслін.

Эдвард Лі Грын
англ.: Edward Lee Greene
Дата нараджэння	20 жніўня 1843(1843-08-20)[1]
Месца нараджэння	Хопкінтан[d], акруга Вашынгтон[d], Род-Айленд, ЗША
Дата смерці	10 лістапада 1915(1915-11-10)[2] (72 гады)
Месца смерці	Вашынгтон, акруга Калумбія[d], ЗША
Грамадзянства	ЗША
Род дзейнасці	батанік, міколаг, батанічны калекцыянер
Навуковая сфера	батаніка
Месца працы	Каліфарнійскі ўніверсітэт у Берклі Каталіцкі ўніверсітэт Амерыкі Смітсанаўскі інстытут
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Greene». Спіс такіх таксонаў на сайце IPNI Персанальная старонка на сайце IPNI

Адукацыю атрымаў у англ.: Albion College (штат Вісконсін) у 1866 годзе. З 1871 года быў святаром і чытаў лекцыі па батаніцы ў англ.: Jarvis Hall і ў Каліфарнійскім універсітэце ў Берклі.

У 1885 годзе ён адмаўляецца ад сану святара і прысвячае сябе выкладчыцкай дзейнасці. Да 1887 года — выкладчык батанікі Каліфарнійскага ўніверсітэта, у 1887—1888 гадах — дацэнт кафедры батанікі, ад'юнкт-прафесар батанікі, з 1890 года — прафесар батанікі ў Берклі.

У 1895 годзе ён атрымаў ступень доктара права ва універсітэце Нотр-Дам штата Індыяна і перайшоў у Амерыканскі каталіцкі ўніверсітэт, Вашынгтон (акруга Калумбія), дзе стаў першым прафесарам батанікі гэтай навучальнай установы і заснаваў батанічны сад. Пасля, з 1904 года і да канца жыцця, працаваў у Смітсанаўскім інстытуце.

Яго навуковая праца была звязана з даследаваннем флоры захаду ЗША. Ім апублікавана вялікая колькасць прац па батаніцы і гісторыі прыродазнаўства, у тым ліку ён публікаваў перыядычныя выданні «Pittonia» (1887—1905), і «Erythea» (выпускалася з 1893 года).

Працы

• «Illustrations of West American oaks» ілюстратар А. Келаг San Francisco, 1889
• «Flora Franciscana. An attempt to classify and describe the vascular plants of middle California» San Francisco, Cubery&Co., 1891
• «Manual of the Botany of the Region of San Francisco Bay» San Francisco, Cubery&Co., 1894
• «Plantae Bakerianae», 1901
• «Pittonia: a series of papers relating to botany and botanists» (у пяці частках) Berkeley, Doxey&Co. 1887—1905
  • v.1 (1887—1889)
  • v.2 (1889—1892)
  • v.3 (1896—1898)
  • v.4 (1899—1901)
  • v.5 (1802—1905)
• «Leaflets of botanical observation and criticism» (у дзвюх частках) Washington, D.C., 1903—1912
  • vol.1 (1903—1906)
  • vol.2 (1910—1912)
• «Landmarks of botanical history: a study of certain epochs in the development of the science of botany» (у дзвюх частках)
  • Part I. — Prior to 1562 A. D. Washington, D.C., Smithsonian institution, 1909
• «Carolvs Linnaevs» Philadelphia, Christopher Sower company, 1912

Зноскі

1. http://boards.ancestry.com/surnames.greene/1643/mb.ashx
2. Edward Lee Greene // SNAC — 2010. Праверана 9 кастрычніка 2017.

   <a href='https://wikidata.org/wiki/Track:Q29861311'></a>